जीएसटी - के - मास्टर क्लास’ 6 जुलाई ले दूरदर्शन के राष्ट्रीय चैनल संग आन चैनल मन म होही सीधा प्रसारण


  • केन्द्रीय राजस्व सचिव डॉ. हसमुख अधिया के टीम देही कई ठन विषय मन म प्रस्तुतिकरण
  • हिन्दी म 6, 7 अऊ 8 जुलाई के दिन अउ अंगरेजी म 10, 11 अऊ 12 जुलाई के दिन होही प्रसारण
  • निरधारित तिथी मन म मंझनिया 4.30 बजे ले आयोजित करे जाही जीएसटी के मास्टर क्लास 
  • व्यापारी मन अऊ टैक्स प्रेक्टिशनर मन ले ऑन लाइन प्रसारण देखे के करिन आग्रह


रायपुर, 05 जुलाई 2017। केंन्द्रीय राजस्व विभाग अउ केन्द्रीय उत्पाद अऊ सीमा शुल्क बोर्ड कोति ले छै दिन के ‘जीएसटी के मास्टर क्लास’ के ऑन लाइन आयोजन छै जुलाई ले करे जाही। ए क्लास म जीएसटी अऊ एखर ले जुरे कई ठन विषय मन म केन्द्रीय राजस्व सचिव डॉ. हसमुख अधिया संग खांटी जानकार के टीम प्रस्तुतिकरण देही। जीएसटी के मास्टर क्लास के सीधा प्रसारण दूरदर्शन के राष्ट्रीय चैनल अउ आन चैनल मन म करे जाही। निरधारित कार्यक्रम के अनुसार 6, 7 अऊ 8 जुलाई के दिन हिन्दी म अऊ 10, 11 अऊ 12 जुलाई के दिन ऑन लाइन क्लास के आयोजन अपरान्ह 4.30 बजे ले 5.30 बजे तक करे जाही। 
हिन्दी म छै जुलाई के दिन ‘रजिस्ट्रेशन अऊ माइग्रेशन’ विसय म, 7 जुलाई के दिन ‘ट्रांजिशन एंड इनवाइस मेकिंग’ विसय म अऊ 8 जुलाई के दिन ‘काम्पोजिशन एंड रिकार्ड कीपिंग’ विसय म ऑन लाइन मास्टर क्लास के आयोजन करे जाही। अंगरेजी म 10 जुलाई के दिन ‘रजिस्ट्रेशन अऊ माइग्रेशन’ विसय म, 11 जुलाई के दिन ‘ट्रांजिशन एंड इनवाइस मेकिंग’ विसय म अऊ 12 जुलाई के दिन ‘काम्पोजिशन एंड रिकार्ड कीपिंग’ विसय म ऑन लाइन मास्टर क्लास के आयोजन करे जाही। प्रेस इन्फारमेशन ब्यूरो कोति ले ए क्लास के लाइव वेबकास्ट (इंटरनेट म सीधा प्रसारण) करे जाही। केन्द्रीय उत्पाद अऊ सीमा शुल्क बोर्ड अऊ राज्य सरकार के अधिकारी मन, टैक्स प्रेक्टिसनर्स अऊ व्यापारी मन ले ए ऑन लाइन क्लास ल देखे के आग्रह करे हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment