9 जुलाई के दिन मनाए जाही गुरू पूर्णिमा, मुख्यमंत्री ह जनता ल दीन गुरू पूर्णिमा के बधाई

रायपुर, 08 जुलाई 2017। मुख्यमंत्री डॉ. रमन सिंह ह जनता ल आषाढ़ शुक्ल पून्‍नी के दिन काल 09 जुलाई के दिन गुरू पूर्णिमा के हार्दिक बधाई अऊ शुभकामना देहे हें। डॉ. सिंह ह गुरूपूर्णिमा के पूर्व संध्या म आज इहां जारी शुभकामना संदेश म कहिन हे कि हमर भारतीय संस्कृति म गुरू या शिक्षक मन के हमेशा ले सम्मानजनक स्थान रहे हे। मनुष्य ल अज्ञानता के अंधकार ले ज्ञान के प्रकाश के तरफ लेगइया मनखे ल ही हमर प्राचीन अऊ गौरवशाली संस्कृति म गुरू के रूप म आदर अऊ सम्मान दे जाथे। डॉ. रमन सिंह ह कहिन- तइहा जमाना म भारत ल विश्व गुरू के सम्मानजनक स्थान हमार देश के तपस्वी शिक्षक अऊ ऋषि-महर्षि मन के योगदान ले मिले रहिस। आज घलोक देश के शिक्षक अपन महत्वपूर्ण भूमिका ल समझके भारत ल एक पइत फेर विश्व गुरू के रूप म नवा पहिचान देवा सकत हें। मुख्यमंत्री ह कहिन- महाभारत, श्रीमद भागवत अऊ 18 पुरान अउ 108 उपनिषद के रचनाकार महर्षि वेदब्यास के जयंती म गुरूपूर्णिमा के ये गौरवशाली पर्व गुरू मन के सम्मान प्रकट करे के एक पवित्र अवसर ये। डॉ. रमन सिंह ह ए मौका म समाज अऊ राष्ट्र के निर्माण म शिक्षक मन के गंभीर निर्णायक भूमिका के उल्लेख करिन हे अऊ ऊंखर खातिर अपन शुभकेा प्रकट करिन हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment