बालोद, गरियाबंद अउ बलरामपुर जिला अस्पताल म जल्दी खुलही ब्लड बैंक

मुंबई ले खाद्य अउ औषधि प्रसासन के टीम हर करिस निरीक्षण

रायपुर, 01 जुलाई 2017। जिला अस्पताल बालोद, गरियाबंद अउ बलरामपुर म जल्दीच जरूरतमंद मन बर ब्लड बैंक व्‍यवस्‍था हो जाही। स्वास्थ्य विभाग कोति ले ए जिला मन म ब्लड बैंक खोले के तैयारी लगभग पूरा कर लेहे गए हावय। मुंबई ले खाद्य अउ औषधि प्रशासन विभाग के अधिकारी मन ह निरीक्षण करके ब्लड बैंक खोले के सहमति प्रदान कर देहे हावंय। ए अधिकारी मन म श्री अमोल दांडेकर अउ उंखर टीम सामिल रहिस।
स्वास्थ विभाग के आयुक्त श्री आर. प्रसन्ना ह आज इहां बताइ स कि निरीक्षण टीम ह बालोद अउ गरियाबंद जिला अस्पताल म अधोसंरचना संग आन मशीनरी उपकरण, ब्लड स्टोरेज आदि के निरीक्षण करके संतुष्टि जाहिर करिस। निरीक्षण टीम ह जिला अस्पताल बलरामपुर म नवा ब्लड बैंक खोले संबंधी जरूरी उपकरण आदि के व्यवस्था करे के निरीक्षण करही। खाद्य अउ औषधि प्रशासन विभाग मुंबई वाले मन ह जिला अस्पताल मुंगेली, रायपुर-जिला अस्पताल, कोंडागांव अउ नारायणपुर म जिला अस्पताल मन के निरीक्षण पहिलिच कर डरे हें, येमा सिरिफ लाईसेंस मिलना बाकी हावय। ए चारो जिला मन म जल्दी ब्लड बैंक खुल जाही। संगें संग प्रदेश के दू जिला रायपुर अउ बिलासपुर म दू-दू ब्लड बैंक हो जाही। साल 2017-18 म प्रदेश के सबो जिला मन म ब्लड बैंक खोले के तैयारी करे जात हावय। ब्लड बैंक खुले ले जिला मन म रक्त के आपूर्ति हो सकही। श्री प्रसन्ना ह बताइस कि छत्तीसगढ़ राज्य गठन के समय प्रदेश म सात शासकीय ब्लड बैंक स्थापित रहिस, जऊन साल 2016-17 म बढ़के 23 हो गे हावय। साल 2017-18 म सबो जिला म ब्लड बैंक के स्थापना ले ब्लड बैंक मन के संख्या 29 हो जाही। प्रदेश म 55 सामुदायिक स्वास्थ्य केन्द्र म ब्लड स्टोरेज सेंटर के घलोक स्थापना करे गए हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment