मुख्यमंत्री ह करिस तीन पुस्तक मन के विमोचन

रायपुर, 09 जुलाई 2017। मुख्यमंत्री डॉ. रमन सिंह ह काल संझा इहां अपन निवास परिसर म आयोजित कार्यक्रम म छत्तीसगढ़ के वरिष्ठ साहित्यकार डॉ. जे.आर. सोनी के तीन पुस्तक के विमोचन करिस। एमां उपन्यास ’कांछन’, कविता संग्रह ’पलाश खिला है’ अऊ यात्रा संस्मरण ’पिरामिड के देश मिस्त्र’ सामिल हे। मुख्यमंत्री ह ए पुस्तक मन के प्रकाशन म साहित्यकार डॉ. सोनी ल बधाई अउर शुभकामना दीन। मुख्यमंत्री ह डॉ. सोनी के पुस्तक मन के विषय वस्तु ल बहुत सहज, सरल अऊ सुरूचिपूर्ण बताइन। ऊंखर कविता संग्रह ’पलाश खिला है’ के बारे म मुख्यमंत्री ह कहिन कि ये मां छत्तीसगढ़ के लोक संस्कृति अऊ विशेष रूप ले आदिवासी बहुल बस्तर अंचल के संस्कृति के जीवंत चित्रण करे गए हे। अइसनहे  ’पिरामिड के देश मिस्त्र’ नामक पुस्तक म उमन मिस्त्र के यात्रा अऊ उहां के सांस्कृतिक विशेषता मन उपर प्रकाश डाले हें। ए अवसर म छत्तीसगढ़ राजभाषा आयोग के अध्यक्ष डॉ. विनय कुमार पाठक, छत्तीसगढ़ विद्यामंडलम के पहिली अध्यक्ष डॉ. गणेश कौशिक, प्रदेश के वरिष्ठ इतिहासकार डॉ. रमेन्द्र नाथ मिश्रा, छत्तीसगढ़ राष्ट्रभाषा प्रचार समिति के अध्यक्ष श्री गिरीश पंकज, वरिष्ठ लेखक अऊ पूर्व राज्य निर्वाचन आयुक्त डॉ. सुशील त्रिवेदी, केन्द्रीय हिन्दी निदेशालय के तकनीकी शब्दावली आयोग के पहिली अध्यक्ष डॉ. केशरीलाल वर्मा संग कई प्रबुद्धजन उपस्थित रहिन। आभार प्रदर्शन डॉ. सुधीर शर्मा ह करिस।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment