जादा ले जादा पात्र सियान मन ल तीर्थयात्रा योजना के लाभ मिलय: रमशीला साहू

‌अब सियान मन कर सकही कामाख्या मंदिर के घलोक दर्शन
‌छत्तीसगढ़ मुख्यमंत्री तीर्थयात्रा योजना समिति के सामान्य सभा के बैठक संपन्न
रायपुर, 04 जुलाई 2017। समाज कल्याण मंत्री श्रीमती रमशीला साहू ह आज इहां मंत्रालय (महानदी भवन) म आयोजित बैठक म मुख्यमंत्री तीर्थ यात्रा योजना के समीक्षा करिन। मुख्यमंत्री तीर्थ यात्रा योजना समिति के बैठक म श्रीमती साहू ह कहिन कि ये मुख्यमंत्री डॉ. रमन सिंह के सर्वोच्च प्राथमिकता के योजना ये। सबके सहयोग ले योजना ल अच्छा सफलता मिलत हे। श्रीमती साहू ह अधिकारी मन ले कहिन कि प्रदेश के ज्यादा ले ज्यादा  सियान मन ल ए योजना के लाभ देवाये जाय। उमन कहिन कि योजना के तहत तीर्थ स्थान मन के सूची म कामाख्या मंदिर ल घलोक सामिल करे जाही।
 बैठक म तीर्थ यात्रा योजना के वार्षिक प्रतिवेदन घलोक प्रस्तुत करे गीस। ये मां बताये गीस कि योजना के चालू होय ले दिनांक 31.05.17 तक कुल एक लाख 90 हजार 747  सियान मन ल देश के कई ठन तीरथ मन के निःशुल्क यात्रा करवाये गए हे। तीरथ मन के सूची म कामाख्या मंदिर (गुवाहाटी) ल जोर के,  छत्तीसगढ़ के विधायक मन ल 'एक भारत श्रेष्ठ भारत' योजना के तहत तीर्थयात्रा करवाये के प्रस्ताव पारित करे गीस। बैठक म श्रीमती साहू ह निर्देश दीन कि एक सियान ल जीवन काल म एके बार तीर्थयात्रा करे जाना सुनिश्चिित हो ताकि सबो पात्र सियान मन ल अवसर मिल सकय। बैठक म तीर्थ यात्री मन ले फीडबैक लेहे के प्रस्ताव रखे गीस ताकि ऊंखर अनुभव अऊ सुझाव मन के आधार म योजना ल अऊ जादा बेहतर बनाय जा सकय। बैठक म समाज कल्याण विभाग के संसदीय सचिव श्रीमती रूपकुमारी चौधरी, विभाग के सचिव श्री सोनमणि बोरा अऊ संचालक डॉ. संजय अलंग घलोक उपस्थित रहिन। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment