मुख्यमंत्री के जनदर्शन: आमजनता मन अऊ प्रतिनिधि मंडल ह करिस मुलाकात

मुख्यमंत्री ह जनता के समस्या मन के तुरते निराकरण करे के दीन निर्देश
रायपुर, 06 जुलाई 2017। मुख्यमंत्री डॉ. रमन सिंह ह आज इहां अपन निवास परिसर म आयोजित ‘जनदर्शन’ कार्यक्रम म राजधानी रायपुर संग राज्य के कई ठन जिला मन ले आए प्रतिनिधि मंडल, आम नागरिक मन,  किसान मन, श्रमिक मन अऊ महिला मन ले मुलाकात करिन। डॉ. सिंह उंखर समस्या मन ल सुनिन अऊ संबंधित विभाग मन के अधिकारी मन ल निराकरण के निर्देश दीन।
सरगुजा जिला के उदयपुर जनपद के ग्राम कुंमदेवा के गांव वाले मन ह मुख्यमंत्री ले मुलाकात कर बताइन कि जल संसाधन विभाग कोति ले सिंचाई बांध म ऊंखर के करे मजदूरी के भुगतान अब तक नइ करे गये हे। मुख्यमंत्री ह सरगुजा कलेक्टर ल मजदूरी भुगतान सुनिश्चित कराए के निर्देश दीन। ट्रायबल यूथ हॉस्टल नई दिल्ली के पढ़ईया लईका मन ह बताइन कि ऊंमन दिल्ली म यू.पी.एस. के कोचिंग लेवत हें। एखर बर अकतहा आवासीय सुविधा प्रदान करे के आग्रह उमन करिन। डॉ. सिंह ह जनजाति विकास विभाग ल एक महिना बर अकतहा आवासीय सुविधा देहे के व्यवस्था कराए के निर्देश दीन।
राजधानी रायपुर के रानी दुर्गावती वार्ड के पार्षद श्री लीलाधर चन्द्राकर के नेतृत्व म नागरिक मन ह मुख्यमंत्री ले मुलाकात करके ज्ञापन सउंप के पूरैना के पूर्व माध्यमिक शाला के पढ़ईया लईका मन ल हाईस्कूल के सुविधा प्रदान करे के अनुरोध करिन। डॉ. सिंह ह स्कूल शिक्षा विभाग ल उन्नयन बर तुरंते कार्रवाई करे के निर्देश दीन। जनदर्शन म आए सक्ती विधानसभा के श्री हजारीलाल देवांगन ल गंभीर बीमारी ले पीड़ित होए म मुख्यमंत्री ह मेकाहारा म निःशुल्क इलाज कराने के निर्देश दीन। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment