हमर छत्तीसगढ़ के पहली साल पूरा : मुख्यमंत्री अऊ केन्द्रीय मंत्री ह दीन बधाई

रायपुर, 01 जुलाई 2017। राज्य सरकार कोति ले दू साल बर संचालित ‘हमर छत्तीसगढ़ योजना’ के पहला साल आज पूरा हो गीस। ए अवसर म मुख्यमंत्री डॉ. रमन सिंह अऊ केन्द्रीय सामाजिक न्याय अउ अधिकारिता मंत्री श्री थावरचंद गेहलोत ह सबो मनखे मन ल बधाई दीन। उमन नवा रायपुर स्थित हमर छत्तीसगढ़ परिसर म आयोजित समारोह म ए योजना उपर आधारित एक कॉफी टेबल पुस्तिका के विमोचन करिन। समारोह म प्रदेश के पंचायत अऊ ग्रामीण विकास मंत्री श्री अजय चन्द्राकर, सहकारिता, पर्यटन अऊ संस्कृति मंत्री श्री दयाल दास बघेल, महिला अउ बाल विकास अउ समाज कल्याण मंत्री श्रीमती रमशीला साहू अऊ संसदीय सचिव श्री लखन लाल साहू संग बहुत अकन जनप्रतिनिधि उपस्थित रहिन। मुख्यमंत्री डॉ. सिंह अऊ केन्द्रीय मंत्री श्री गेहलोत ह हमर छत्तीसगढ़ योजना के पहिली साल पूरा होए अऊ दूसर साल म प्रवेश उपर सबो मनखे मन ल बधाई अऊ शुभकामना दीन। आप मन जानतेच होहू कि ए योजना के तहत प्रदेश के पौने दो लाख ले जादा पंचायत प्रतिनिधि मन अऊ सहकारिता क्षेत्र के प्रतिनिधि मन ल अलग-अलग समूह मन म आमंत्रित करके रायपुर अऊ नवा रायपुर के अध्ययन दौरा करवाए जात हे। एमां ले अब तक 75 हजार ले जादा निर्वाचित जनप्रतिनिधि मन ह ये अध्ययन दौरा पूरा कर लेहे हें। ओ मन ल छत्तीसगढ़ विधानसभा, मंत्रालय, कृषि विश्वविद्यालय संग रायपुर अऊ नवा रायपुर म विकसित अधोसंरचना अऊ प्रतिष्ठान मन ल देखाए जात हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment