शासकीय चिकित्सालय मन म प्रसव म हितग्राही मन के सबसे कम खरचा बर छत्तीसगढ़ ल मिलीस तीसर पुरस्कार

लोकसभा अध्यक्ष श्रीमती सुमित्रा महाजन के हाथ स्वास्थ्य आयुक्त श्री आर. प्रसन्ना ह पुरस्कार लीस

रायपुर, 06 जुलाई 2017। छत्तीसगढ़ स्वास्थ्य अऊ कुटुंब कल्याण विभाग ल देश के संग शासकीय चिकित्सालय मन म प्रसव म हितग्राही मन ले सबसे कम खरचा बर छत्तीसगढ़ ल तीसर पुरस्कार मिले हे। ये पुरस्कार लोकसभा अध्यक्ष श्रीमती सुमित्रा महाजन के हाथ स्वास्थ्य आयुक्त श्री आर. प्रसन्ना ह इंदौर मध्यप्रदेश म आयोजित चतुर्थ राष्ट्रीय सम्मेलन (फोर्थ समिट आन गुड प्रेक्टिसेस ए पब्लिक हेल्थ केयर सिसटम ए इंडिया) म आज ग्रहण करिस। ए अवसर म केंद्रीय राज्य स्वास्थ्य मंत्री श्री फग्गन सिंह कुलस्ते, सुश्री अनुप्रिया पटेल अऊ मध्यप्रदेश के स्वास्थ्य मंत्री श्री रूस्तम सिंह उपस्थित रहिन। 
राज्य के शासकीय चिकित्सालय मन म गर्भवती महिला मन के स्वास्थ्य परीक्षण अउ प्रसुति महिला मन के प्रसव, उपचार के निःशुल्क व्यवस्था के संग ही घर ले अस्पताल अउ घर तक निःशुल्क परिवहन सुविधा, अस्पताल म भर्ती तक निःशुल्क भोजन के सुविधा अऊ दवा मन के निःशुल्क व्यवस्था करे जात हे। एखर ले अकतहा राष्ट्रीय स्वास्थ्य बीमा योजना अऊ मुख्यमंत्री स्वास्थ्य बीमा योजना के क्रियान्वयन के कारन घलोक शासकीय चिकित्सालय मन के प्रति मनखे मन के विश्वसनीयता म बढ़ोतरी आए हे, जेखर परिणामस्वरूप प्रसव म हितग्राही मन के सबले कम व्यय होए म छत्तीसगढ़ राज्य ल तीसर पुरस्कार देहे गए हे। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment