मुख्यमंत्री ह मोबाइल नेत्र क्लिनिक ल दिखाइस हरी झण्डी

मोबाइल क्लिनिक दूरदराज के हाट-बाजार, स्कूल अउ झुग्‍गी मन म करही निःशुल्क नेत्र जांच: 
मुख्यमंत्री हर कराइस नेत्र जांच
रायपुर 1 जुलाई 2017। मुख्यमंत्री डॉ. रमन सिंह हर आज किहनिया इहां अपन निवास ले मोबाइल नेत्र क्लिनिक ल हरी झण्डी देखा के रवाना करिस। ये मोबाइल क्लिनिक रायपुर के आसपास के ग्रामीण क्षेत्र मन संग बस्तर अउ सरगुजा संभाग के दूरस्थ अंचल मन के दौरा करही अउ उहां हाट-बाजार मन म ग्रामीण मन के आंखी के निःशुल्क जांच करके ओ मन ल इलाज बर जरूरी सलाह प्रदान करही। ए मोबाइल आई क्लिनिक म आंखी के संपूर्ण जांच, मोतियाबिंद, डायबिटिक रेटमापैथी, ग्लाकोमा, अउ चश्मा के जांच के सुविधा हावय। मोबाइल क्लिनिक स्कूल मन म बच्चा मन अउ झुग्गी बस्ति मनम घलोक जाके लोगन के आंखी के जांच घलोक करही।
मुख्यमंत्री हर मोबाइल नेत्र क्लिनिक ल रवाना करे के पहिली अपन आंखी के जांच घलोक कराइस। ये मोबाइल आई क्लिनिक बजरंग पावर अउ इस्पात लिमिटेड कंपनी कोति ले राजधानी रायपुर के एम.जी.एम. नेत्र संस्थान ल सौंपे गए हावय। मुख्यमंत्री ह ए अवसर म कहिस कि ये सामाजिक सरोकार ले जुड़ जनहित के अच्छा काम हावय, एखर माध्यम ले दूरस्थ अंचल के ग्रामीण, बुजुर्ग जऊन आंखी के जांच बर शहर नइ आ पावय ओ मन ल लाभ होही। एके स्थान म आंखी के सब्बो टेस्ट हो सकही। मुख्यमंत्री ह ए पहल बर बजरंग पावर अउ इस्पात लिमिटेड कंपनी अउ एम.जी.एम. नेत्र संस्थान ल बधाई अउ शुभकामना दीन।
ए अवसर म बजरंग पावर अउ इस्पात लिमिटेड कंपनी के संचालक श्री राजेंद्र गोयल, एम.जी.एम. नेत्र संस्थान के संचालक डॉ. दीपशिखा अग्रवाल, आई.बी.से.24 चैनल के प्रमुख श्री सुरेश गोयल संग नेत्र संस्थान के बहुत अकन चिकित्सक घलोक उपस्थित रहिन। एम.जी.एम. नेत्र संस्थान के संचालक डॉ. दीपशिखा अग्रवाल ह ए अवसर म मुख्यमंत्री ल बताइस कि ये मोबाइल आई क्लिनिक विश्वस्तरीय जांच उपकरन मन ले सुसज्जित हावय। येमां स्लिट लैंप, फंडस कैमरा, आटोरिफरेक्टोमीटर अउ  ए.स्कैन मशीन हावय। ए मोबाइल आई क्लिनिक म दूरस्थ इलाका मन ले ग्रामीण मन के आंखी के जांच रिपोट इंटरनेट के माध्यम ले नेत्र संस्थान के डॉक्टर मन ल भेजे के सुविधा हावय। 
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment