‘राज्य के आधार पंजीकरण केन्द्र फेर चालू’ : ‘नागरिक सुविधा बर शासन के पहल‘

रायपुर, 06 जुलाई 2017। छत्तीसगढ़ म आधार पंजीयन बर छत्तीसगढ़ इंफोटेक प्रमोशन सोसायटी (चिप्स) ल अधिकृत करे गए हे। आधार अथॉरिटी ऑफ इंडिया कोति ले इलेक्ट्रॉनिक्स अउ सूचना प्रौद्योगिकी विभाग, छत्तीसगढ़ शासन के माध्यम ले चिप्स ल छत्तीसगढ़ बर इनरोलमेंट एजेंसी नियुक्त करे गए हे। ये जानकारी देवत चिप्स के मुख्य कार्यपालन अधिकारी श्री एलेक्स पॉल मेनन ह बताइन कि छत्तीसगढ़ शासन ह नागरिक सुविधा बर प्रदेश म आधार पंजीयन के काम फेर सुरू करत हे। 
पाछू पंद्रही ले प्रदेश म आधार पंजीयन अउ ओकर सुधार करे के काम बंद रहिस हे। जेखर ले आम नागरिक मन ल बहुत अकन कठिनाई मन के सामना करना परत रहिस। नागरिक सुविधा ल दृष्टिगत रखत चिप्स कोति ले तुरंते पहल करत आधार पंजीयन के काम चालू करे गीस हे। 
आप मन जानतेच हव कि बहुत अकन शासकीय योजना मन म आधार ल अनिवार्य करे गए हे। आधार प्रक्रिया के बन्द होए ले नागरिक मन ल परेशानी के सामना करना परत रहिस। जऊन ल देखत चिप्स ह आधार पंजीयन फेर चालू करे बर आधार अथॉरिटी ऑफ इंडिया ले सम्पर्क करके चिप्स ल इनरोलमेंट एजेंसी बनाए गीस अउ तुरंते लोक सेवा केन्द्र मन अउ ग्राम पंचायत मन के आधार पंजीकरण केन्द्र मन ल फेर चालू करे जात हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

1 comments:

  1. सुघ्घर जानकारी

    ReplyDelete