मुख्यमंत्री ह करिस ‘खगोल विज्ञान: जिज्ञासा अऊ समाधान’ के विमोचन

रायपुर, 01 जुलाई 2017। मुख्यमंत्री डॉ. रमन सिंह ह आज इहां अपन निवास कार्यालय म ‘खगोल विज्ञान: जिज्ञासा अऊ समाधान’ पुस्तक के विमोचन करिस। विख्यात खगोलशास्त्री, गणितज्ञ अऊ दुनिया ल गुरूत्वाकर्षण उपर केंद्रित  ‘हॉयल-नार्लीकर सिद्धांत’ देवइया वैज्ञानिक पदमविभूषण श्री जयंत विष्णु नार्लीकर ए पुस्तक के लेखक हें। छत्तीसगढ़ हिन्दी ग्रंथ अकादमी कोति ले प्रकाशित ये पुस्तक म अंतरिक्ष, पृथ्वी अऊ जीवन ले जुड़े उन तमाम प्रश्न मन के उत्तर हे, जऊन लइका मन अऊ आमजन के मन म जब-तब उठते रहिथे। पुस्तक म पढ़ईया लईका मन से डॉ. नार्लीकर ल पूछे गए प्रश्न अऊ समाधान मन ल संग्रहित करे गए हे। ए अवसर म पंडित रविशंकर शुक्ल विश्वविद्यालय के कुलपति प्रोफेसर डॉ. एस.के. पाण्डेय, छत्तीसगढ़ हिन्दी ग्रंथ अकादमी के अध्यक्ष श्री शशांक शर्मा संग सर्वश्री शाश्वत शुक्ला अऊ अशेषवर वर्मा उपस्थित रहिन। मुख्यमंत्री ह पुस्तक के प्रकाशन म बधाई अऊ शुभकामना दीन।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment