छानबीन समिति कोति ले सरकारी कर्मचारी मन के सेवा अभिलेख के होही समीक्षा

रायपुर, 04 जुलाई 2017/ राज्य सरकार ह 50 साल के उमर या 20 साल के सेवा पूरा करइया सरकारी कर्मचारी मन के सेवा अभिलेख के आधार म अनिवार्य सेवानिवृत्ति के संबंध म सबो विभाग मन ल जरूरी कार्रवाई सुनिश्चित करे के निर्देश दीन हे। सामान्य प्रशासन विभाग ह ए सिलसिला म आज इहां मंत्रालय ले शासन के सबो विभाग, संभागीय आयुक्त अऊ जिला कलेक्टर मन ल परिपत्र जारी करे हे। मुख्य सचिव श्री विवेक ढांड ह कहिन कि, ए परिपत्र म कहे गये हे कि राज्य शासन कोति ले लेहे गए निरनय के अनुसार हर साल एक जनवरी अऊ एक जुलाई के स्थिति में 
शासकीय सेवक मन के सेवा अभिलेख के समीक्षा छानबीन समिति कोति ले करे जाही। अनिवार्य सेवा निवृत्ति के संबंध म ये समीक्षा मूलभूत नियम 56 अऊ छत्तीसगढ़ सिविल सेवा (पेंशन) नियम 1976 के नियम 42 के तहत करे के प्रावधान हे। छानबीन समिति से समीक्षा के संगेच पालन प्रतिवेदन सामान्य प्रशासन विभाग ल अनिवार्य रूप ले भेजी जाही। सामान्य प्रशासन विभाग ह ए सिलसीला म 25 अपरेल 2017 के परिपत्र म विस्तृत दिशा-निर्देश जारी करे हे। मुख्य सचिव श्री ढांड ह अपन आज के परिपत्र म संबंधित अधिकारी मन ल एक जुलाई के स्थिति म शासकीय सेवक मन के सेवा अभिलेख के छानबीन के कार्रवाई 15 जुलाई तक पूरा करे अऊ ओखर पालन प्रतिवेदन पांच अगस्त तक सामान्य प्रशासन विभाग ल भेजे के निर्देश दीन हे। ए पालन प्रतिवेदन के समीक्षा मुख्य सचिव ह करहीं।  मुख्य सचिव श्री ढांड के ये वाले परिपत्र सबो अपर मुख्य सचिव, प्रमुख सचिव, सचिव, स्वतंत्र प्रभार के विशेष सचिव अऊ स्वतंत्र प्रभार के संयुक्त सचिव, जमो विभागाध्यक्ष, संभागीय आयुक्त अऊ जिला कलेक्टर मन ल भेजे गए हे।
Share on Google Plus

About Sanjeeva Tiwari

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment