विधानसभा अध्यक्ष संग मंत्री मन अऊ विधायक मन ह करिन हमर छत्तीसगढ़ परिसर के दौरा

रायपुर, 04 अगस्त 201। छत्तीसगढ़ विधानसभा के अध्यक्ष श्री गौरीशंकर अग्रवाल, कृषि मंत्री श्री बृजमोहन अग्रवाल, उच्‍च शिक्षा मंत्री श्री प्रेम प्रकाश पाण्डेय, खाद्य मंत्री श्री पुन्नूलाल मोहिले अउ वन मंत्री श्री महेश गागड़ा संग बहुत अकन विधायक मन ह आज संझा इहां हमर छत्तीसगढ़ योजना के आवासीय परिसर नवा

रायपुर के उपरवारा स्थित होटल प्रबंधन संस्थान के दौरा करिन। उमन इहां पंचायत प्रतिनिधि मन के अध्ययन भ्रमण बर करे गए तमाम व्यवस्था मन ल देखिन। उमन जनप्रतिनिधि मन के पंजीयन, घर, भोजन, शिक्षण-प्रशिक्षण अऊ मनोरंजन बर करे इंतजाम मन के जायजा लीन।

विधानसभा अध्यक्ष, मंत्री अउ विधायक मन ह संग बइठ के आवासीय परिसर म हाले म शुरू होए चलित सिनेमाघर म ‘इंदु सरकार’ फिल्म घलोक देखिन। जनसंपर्क विभाग कोति ले इहां लगाए गए बड़का छायाचित्र प्रदर्शनी अउ पंच-सरपंच बर थ्री-डी होलोग्राफिक प्रोजेक्शन के संग तैयार करे मुख्यमंत्री डॉ. रमन सिंह के संदेश ‘रमन के बात हमर मन के साथ’ घलोक उमन देखिन। पंच-सरपंच मन बर इहां संचालित प्रशिक्षण अउ सामूहिक चर्चा के घलोक उमन अवलोकन करिन। ए दौरान ओ मन बिलासपुर, मुंगेली अऊ जांजगीर-चांपा जिला ले अध्ययन भ्रमण म आए 400 पंचायत प्रतिनिधि मन ले घलोक मिलिन। पंचायत अउ ग्रामीण विकास विभाग के अपर मुख्य सचिव श्री एम.के. राउत ह सबो अतिथि मन ल योजना के खासियत अउ एखर जरिए पंचायत प्रतिनिधि मन ल अभिनव तरीका ले दिए जात प्रशिक्षण के बारे म बताइन।

(adsbygoogle = window.adsbygoogle || []).push({});

हमर छत्तीसगढ़ योजना के आवासीय परिसर के आज दौरा करइया मन म संसदीय सचिव श्री तोखन साहू, श्रीमती चंपादेवी पावले, श्रीमती रूपकुमारी चौधरी, विधायकगण सर्वश्री शिवरतन शर्मा, नवीन मार्कंडेय, भोजराज नाग, संतोष बाफना, विमल चोपड़ा, डॉ. खिलावन साहू, संतोष उपाध्याय, अशोक साहू, रामलाल चौहान, श्रीमती केराबाई मनहर, श्रीमती सरोजनी बंजारे, पूर्व विधानसभा अध्यक्ष श्री धरमलाल कौशिक, छत्तीसगढ़ वनौषधि बोर्ड के अध्यक्ष श्री रामप्रताप सिंह, छत्तीसगढ़ गृह निर्माण मंडल के पहिली अध्यक्ष श्री सुभाष राव, रायपुर नगर निगम के पहिली महापौर श्री सुनील सोनी अउ विधानसभा के प्रमुख सचिव श्री देवेन्द्र वर्मा सामिल रहिन।

(adsbygoogle = window.adsbygoogle || []).push({});