सी.जी.पी.एस.सी. प्रारंभिक परीक्षा 2016 म सफल एस.टी.एस.सी. वर्ग के अभ्यर्थि मन ल प्रोत्साहन राशि देहे बर 27 जुलाई तक आवेदन आमंत्रित


(adsbygoogle = window.adsbygoogle || []).push({});

रायपुर, 25 जून 2017। छत्तीसगढ़ राज्य लोक सेवा आयोग कोति ले आयोजित प्रारंभिक परीक्षा साल 2016 म सफल प्रदेश के अनूसूचित जाति अउ जनजाति वर्ग के अभ्यर्थि मन ल सिविल सेवा प्रोत्साहन योजना के तहत प्रोत्साहन राशि देहे 27 जुलाई तक आवेदन पत्र आमंत्रित करे गए हे।

आप मन जानतेच होहू कि राज्य शासन के आदिम जाति अउ अनुसूचित जाति विभाग कोति ले सिविल सेवा प्रोत्साहन योजना के तहत छत्तीसगढ़ राज्य लोकसेवा आयोग के प्रारंभिक परीक्षा म सफल होवइया अनुसूचित जाति अउ जनजाति के उम्मीदवार मन ल दस हजार रूपिया के प्रोत्साहन राशि देहे जाथे। अइसनहे मुख्य परीक्षा म पास होवइया ए वर्ग के उम्मीदवार मन ल बीस हजार रूपिया बतौर प्रोत्साहन देहे जाथे। आयोग कोति ले बीते अपरेल महिना म प्रारंभिक परीक्षा साल 2016 के परिणाम घोषित करे गए हे। ए परीक्षा म उत्तीर्ण अनुसूचित जाति अऊ जनजाति वर्ग के उम्मीदवार मन ल सिविल सेवा प्रोत्साहन योजना के तहत प्रोत्साहन राशि देहे बर 27 जुलाई तक आवेदन आमंत्रित करे गए हे।

अनुसूचित जाति अउ जनजाति विकास विभाग के अधिकारी मन ह आज इहां बताइन कि छत्तीसगढ़ लोक सेवा आयोग कोति ले आयोजित प्रारंभिक परीक्षा साल 2016 म सफल अनुसूचित जाति अउ जनजाति वर्ग के उम्मीदवार ए योजना के लाभ लेहे खातिर निरधारित प्रपत्र म आवेदन पत्र आयुक्त, आदिम जाति अउ अनुसूचित जाति विकास, ब्लॉक-डी, भूतल इन्द्रावती भवन, नवा रायपुर म निरधारित तारीक 27 जुलाई तक जमा कर सकत हें। आवेदन पत्र रजिस्टर्ड डाक ले घलोक ए पता म भेजे जा सकत हे। पात्रता अउ शर्ते अउ आवेदन पत्र के प्रारूप विभाग के वेबसाईट www.trible.cg.gov.in ले घलोक डाउनलोड करे जा सकत हे।


(adsbygoogle = window.adsbygoogle || []).push({});


(adsbygoogle = window.adsbygoogle || []).push({});