पोषक तत्व मन ले भरपुर खाद्यान्न के उत्पादन जरूरी: श्रीमती रमशीला साहू

दू दिवसीय राष्ट्रीय कार्यशाला के समापन


(adsbygoogle = window.adsbygoogle || []).push({});

रायपुर 24 जून 2017, छत्तीसगढ़ के महिला अउ बाल विकास मंत्री श्रीमती रमशीला साहू ह आज मेघालय के राजधानी शिलांग म आयोजित राष्ट्रीय कार्यशाला के समापन सत्र के अध्यक्षता करिन। ‘पोषण बर कृषि सबो भारतीय बर पौष्टिक थाली के उपलब्धता सुनिश्चित हो विसय उपर श्रीमती साहू ह कहिन कि पोषक तत्व मन ले भरपूर खाद्यान्न के उत्पादन जरूरी हे। भोजन अऊ पोषक तत्व मन ले सहित भोजन म अन्तर हे। भोजन ले पेटभर सकत हे, फेर शरीर बर जरूरी पोषक तत्व प्राप्त नइ मिलय। पोषक तत्व मन बर कृषि उपज उपर ध्यान केन्द्रित करना ह सिरिफ अभी हाल समय के आवयश्यकता नइ हे, बल्कि राष्ट्र ल सुपोषित अऊ तन्दरूस्त नागरिक दे बर घलोक जरूरी हे।
कार्यशाला म देश के कई ठन राज्य मन ले आए वक्ता मन ह घलोक पोषक तत्व मन बर कृषि उपज उपर ध्यान करे म विशेष बल दीन। वक्ता मन ह विचार व्यक्त करिन कि स्थानीय पोषक पदार्थ मन के माध्यम ले जरूरी पोषक तत्व मन के पूर्ति उपर विचार करना जरूरी हे। एखर बर मनुष्य अउ पर्यावरण के बीच समन्वय जरूरी हे। मध्यप्रदेश के महिला अउ बाल विकास मंत्री श्रीमती अर्चना चिटनिस संग डॉ. नरेन्द्र प्रकाश, डॉ. नीरज शर्मा, डॉ. एम. प्रेमजीत सिंह, डॉ. अतुल जैन, डॉ. सुपर्णा घोष, डॉ. लीना भास्कर आदि वक्ता मन ह अपन विचार कार्यशाला म रखिन।


(adsbygoogle = window.adsbygoogle || []).push({});


(adsbygoogle = window.adsbygoogle || []).push({});