महिला मन के अनैतिक मानव व्यापार म राष्ट्रीय नीति तैयार करे अन्तर्राष्ट्रीय सम्मेलन

राज्य महिला आयोग के अध्यक्ष श्रीमती हर्षिता पांडेय ह करिस प्रदेश के प्रतिनिधित्व

रायपुर, 11 अगस्त 2017। छत्तीसगढ़ राज्य महिला आयोग के अध्यक्ष श्रीमती हर्षिता पांडेय ह मुम्बई म आयोजित अन्तर्राष्ट्रीय सम्मेलन म हिस्सा लीन। सम्मेलन म महिला मन के अनैतिक व्यापार ल रोके के कई ठन उपाय मन उपर चर्चा करे गीस। सम्मेलन म महाराष्ट्र के मुख्यमंत्री देवेन्द्र फड़नवीस, महाराष्ट्र के महिला अउ बाल विकास मंत्री सुश्री पंकजा मुंडे के संग बहुत अकन देश के प्रतिनिधि अउ ढाना के दूसर महिला श्रीमती हाजिया एस बाबूमिया, सीईओ अउ फाउंडर आर.जी.एम. गैरीहॉगन, फिलीपीन्स, केन्या, हांगकांग, बैकांक, जर्मनी, कंबोडिया, नेपाल, बांग्लादेश, बोलविया के प्रतिनिधि उपस्थित रहिन।



देश के अधिकांश राज्य पंजाब, राजस्थान, उत्तरांचल, तेलगांना, मेघालय, ओड़िशा, हरियाणा, असम, आंध्रप्रदेश आदि के महिला आयोग के अध्यक्ष अउ आन प्रतिनिधि उपस्थित रहिन। पूर्व अध्यक्ष छत्तीसगढ़ राज्य महिला आयोग के श्रीमती विभा राव संग पूजा वधानी ह घलोक सम्मेलन म हिस्सा लीन। महिला मन के अनैतिक मानव व्यापार उपर राष्ट्रीय नीति तैयार करे म सहमति बनिस। छत्तीसगढ़ राज्य देश म पहली अइसन राज्य हे, जेखर कोति ले प्राइवेट प्लेसमेंट एजेंसी मन के रेगुलेशन बर ‘छत्तीसगढ़ प्राइवेट प्लेसमेंट रेगुलेशन एक्ट 2013 लागू करे गए हे।
उमन बताईन कि छत्‍तीसगढ़ म उज्जवला गृह योजना के तहत संरक्षण अउ पुनर्वास गृह (पी एंड आर होम) के संचालन करे जात हे। हर एक जिला म मानव व्यापार के रोकथाम बर निर्मित सेल के जानकारी घलोक दीन। संगेच महिला चौपाल अउ जेण्डर समता प्रहरी अभियान के माध्यम ले मानव तस्करी के रोकथाम बर प्रचार-प्रसार अउ आन उदीम ले घलोक अवगत कराइन। कार्यशाला म छत्तीसगढ़ राज्य के काम मन के सराहना करे गीस अउ महिला मन के अनैतिक व्यापार के रोकथाम बर राज्य के सीमा के बाहिर घलोक आपस म सहयोग करके प्रचलित कानूनी ल प्रभावी ढंग ले लागू करे म सहमति होइस।