राज्य ग्रामीण आजीविका मिशन के वार्षिक कार्य-योजना के अनुमोदन

मुख्य सचिव के अध्यक्षता म कार्यकारिणी समिति के बैठक

रायपुर 11 अगस्त 2017। मुख्य सचिव विवेक ढांड के अध्यक्षता म आज इहां मंत्रालय (महानदी भवन) म राज्य ग्रामीण आजीविका मिशन के कार्यकारिणी समिति के बैठक होइस। बैठक म वित्तीय साल 2017-18 के वार्षिक कार्ययोजना के अनुमोदन करे गीस। एखर संगेच आन्ध्रप्रदेश के संस्था एस.ई.आर.पी. के संग दस विकासखण्ड मन म सामुदायिक संवर्ग के विकास अउ क्षमतावर्धन अऊ तीन विकासखण्ड मन म महिला स्वसहायता समूह अउ सशक्तिकरण के अनुबंध मन के अनुमोदन करे गीस। बैठक म प्रदान संस्था के संग कार्य अवधि म विस्तार अऊ वैल्यू चैन बर बेसिक्स के संग अनुबंध मन के घलोक अनुमोदन करे गीस।



बैठक म अपर मुख्य सचिव कृषि अजय सिंह, अपर मुख्य सचिव पंचायत अउ ग्रामीण एम.के. राउत, प्रमुख सचिव वित्त अमिताभ जैन, सचिव खाद्य श्रीमती ऋचा शर्मा, सचिव महिला अउ बाल विकास डॉ. एम.गीता, सचिव ग्रामोद्योग श्रीमती निहारिका बारिक सिंह, सचिव वाणिज्य अउ उद्योग आशीष भट्ट, सचिव वन अतुल शुक्ला, सचिव स्वास्थ्य अनिल साहू, सचिव लोक स्वास्थ्य यांत्रिकी सुश्री शहला निगार संग आन अधिकारी उपस्थित रहिन।