रमन सरकार के 5000 दिन के विकास यात्रा उपर होही एक हफ्ता के फोटो प्रदर्शनी

मुख्यमंत्री 15 अगस्त के दिन करहीं फोटो प्रदर्शनी के शुभारंभ

रायपुर, 12 अगस्त 2017। मुख्यमंत्री डॉ. रमन सिंह स्वतंत्रता दिवस के अवसर म मंगलवार 15 अगस्त के दिन संझा 4 बजे राजधानी रायपुर के टाऊन हाल म फोटो प्रदर्शनी के शुभारंभ करहीं। जनसम्पर्क विभाग कोति ले एक हफ्ता के ये वाले प्रदर्शनी ’पांच हजार दिन आप मन के संग’ सीरसक ले आयोजित करे जात हे। मुख्यमंत्री डॉ. रमन सिंह के सरकार के पहिली पांच हजार दिन 14 अगस्त के दिन सफलतापूर्वक पूरा होए के उपलक्ष्य म ए प्रदर्शनी म प्रदेश के 5000 दिन के विकास यात्रा के बहुत अकन महत्वपूर्ण पड़ाव मन के सुरूचिपूर्ण छायाचित्र प्रदर्शित करे जाही। जनसम्पर्क विभाग ह सबो छात्र-छात्रा, शिक्षक अऊ नागरिक मन ल प्रदर्शनी म जादा ले जादा संख्या म आए के अपील करे हे। ये प्रदर्शनी 21 अगस्त तक चलही अऊ रोजेच बिहनिया 10.30 बजे ले रात 8.30 बजे तक आम जनता बर खुले रहिही।