आकाशवाणी ले इतवार को रमन के गोठ के 24वां कड़ी के होही प्रसारण

रायपुर, 12 अगस्त 2017। मुख्यमंत्री डॉ. रमन सिंह के मासिक रेडियोवार्ता ’रमन के गोठ’ के 24वां कड़ी के प्रसारण काल इतवार 13 अगस्त के दिन बिहनिया 10.45 बजे ले 11.05 बजे तक आकाशवाणी के रायपुर केन्द्र ले करे जाही। राज्य म स्थित सबो आकाशवाणी केन्द्र ए कार्यक्रम के सीधा प्रसारण करहीं। मुख्यमंत्री के ये मासिक रेडियो वार्ता बस्तर अंचल के प्रमुख सम्पर्क बोली ’हल्बी’ म आकाशवाणी के जगदलपुर केन्द्र ले रतिहा आठ बजे प्रसारित करे जाही। अइसनहे सरगुजा अंचल के प्रमुख सम्पर्क बोली ’सरगुजिहा’ म घलोक उंखर 20 मिनट के रेडियो वार्ता के प्रसारण आकाशवाणी के अम्बिकापुर केन्द्र ले घलोक रतिहा आठ बजे ले करे जाही। एखर अलावा दूरदर्शन के रायपुर केन्द्र ले ’रमन के गोठ’ के प्रसारण सोमवार 14 अगस्त के दिन मंझन 3.30 बजे करे जाही। प्रदेश के कई ठन प्राईवेट टेलीविजन चैनल मन अऊ एफएम रेडियो चैनल मन कोति ले घलोक मुख्यमंत्री के मासिक रेडियोवार्ता काल 13 अगस्त के दिन बिहनिया 10.45 ले 11.05 बजे तक प्रसारित करे जाही।