मिनीमाता ह समाज म समरसता पैदा करिस: पुन्नू लाल मोहले

दुर्ग, 12 अगस्त, 2017। खाद्य मंत्री श्री पुन्नू लाल मोहले ह आज नगर पंचायत उतई म आयोजित सुरता मिनीमाता महिला जागृति शिविर अउ सम्मान कार्यक्रम म सम्मिलित होइन। ए अवसर म उमन महिला मन के उत्थान, महिला मन के कल्याण बर योगदान देवइया महिला मन ल सम्मानित घलोक करिन। महिला अउ बाल विकास मंत्री श्रीमती रमशीला साहू ह कार्यक्रम के अध्यक्षता करिन। ए अवसर म मंत्री श्री मोहले अउ मंत्री श्रीमती रमशीला साहू ह शासकीय हाईस्कूल म नवनिर्मित साईंस पार्क के लोकार्पण घलोक करिन।



कार्यक्रम म जिला पंचायत के उपाध्यक्ष श्री थानू राम साहू, पद्मश्री श्रीमती फुलबासन बाई, पूर्व विधायक श्री दया राम साहू, सामाजिक कार्यकर्ता श्री शानू मोहनन, कार्यक्रम के संयोजक व अंतर्राष्ट्रीय पंथी नृतक श्री आर.एस. बारले संग अंचल के हजारों के संख्या म महिला मन मौजूद रहिन।