मुख्यमंत्री ल केरला समाजम् ह दीस नेवता

रायपुर, 12 अगस्त 2017। मुख्यमंत्री डॉ. रमन सिंह ले आज इहां ऊंखर निवास कार्यालय म केरला समाजम् छत्तीसगढ़ के प्रतिनिधि मंडल ह सौजन्य मुलाकात करिस। उमन अवइया महिना के 24 ले 28 तारीक तक भिलाई के एसएनजी ऑडिटोरियम म आयोजित होवइया 15वां अखिल भारतीय संगीत, नृत्य अउ छत्तीसगढ़ी लोकनृत्य प्रतियोगिता के समापन समारोह म मुख्य अतिथि के रूप म सामिल होए के नेंवता मुख्यमंत्री ल दीन। मुख्यमंत्री ह प्रतिनिधि मंडल ल आमंत्रण बर धन्यवाद देवत कार्यक्रम के सफलता बर शुभकामना दीन। प्रतिनिधि मंडल म केरला समाजम् दुर्ग-भिलाई के अध्यक्ष श्री शशि कोटारकारा, महासचिव श्री अब्राहम जार्ज, आयोजन समिति के अध्यक्ष श्री ए.जे. पायस, सचिव श्री एस.संजीव अऊ श्री बीनू जॉन, कोषाध्यक्ष श्री टी. मधुनायर, संयुक्त कोषाध्यक्ष श्री से.एम. अब्दुल सत्तार अऊ वरिष्ठ पत्रकार श्री ई.व्ही. मुरली सामिल रहिन।