हमला हर महिना के दूसर इतवार के ‘रमन के गोठ’ के अगोरा रहिथे

’चौपाल’ म ध्यान से सुनिन ‘रमन के गोठ‘

रायपुर, 13 अगस्त 2017। मुख्यमंत्री के मासिक रेडिया वार्ता ‘रमन के गोठ‘ के 24 वां प्रसारण कड़ी ल राजधानी रायपुर म सिविल लाइन स्थित ’चौपाल’ म छत्तीसगढ़ रेडियों श्रोता संघ के सदस्य मन ह बड़ ध्यान से सुनिन। छत्तीसगढ़ रेडियों श्रोता संघ के अध्यक्ष श्री परसराम साहू ह कहिन के दिनों-दिन लोकप्रिय होत जात ए रेडियो वार्ता म आज मुख्यमंत्री ह राज्य सरकार के पांच हजार दिन पूरा होए म, प्रदेश म होए चौतरफा विकास अऊ उपलब्धि मन के जानकारी दीन। ये आम जन बर उपयोगी होही। सबो सदस्य मन ह राज्य सरकार के पांच हजार दिन पूरा होए म राज्य के विकास अऊ उपलब्धि बर मुख्यमंत्री ल बधाई अऊ शुभकामना दीन।



पूर्व पार्षद श्री कुबेरराम सपहा ह बताइस कि ’रमन के गोठ’ के संग सरकार के योजना मन अउ कार्यक्रम मन के अपडेट जानकारी घलोक मिलत रहिथे। श्री मोहनलाल देवांगन ह कहिन कि हमला हर महिना के दूसर इतवार के एला सुने के अगोरा रहिथे। हम दू साल ले आकाशवाणी ले प्रसारित कार्यक्रम ‘रमन के गोठ‘ ल सुनत हावन। मुख्यमंत्री के मासिक रेडियो वार्ता सुने बर रेडियो श्रोता संघ के सदस्य रतन जैन, विनोद मंडकलर, हरमिन्दरसिंह अऊ सुरेश सरबईया मन सकलाए रहिन।