लाइवलीहुड कॉलेज हमार नवाचार के सफल मॉडल के चिन्‍हारी

बैकुण्ठपुर, 13 अगस्त 2017। मुख्यमंत्री ह आज बिहनिया 10.45 बजे ले 11.05 बजे तक आकाशवाणी के रायपुर केन्द्र ले अपन मासिक रेडियो वार्ता ’रमन के गोठ’ के 24वां कड़ी म प्रदेशवासी मन ल सम्बोधित करिन। उंखर रेडियो वार्ता के प्रसारण राज्य म स्थित आकाशवाणी के सबो केन्द्र अऊ कई ठन प्राइवेट टेलीविजन अउ एफ.एम. चैनल से करे गीस। जऊन ल जिला के गांव मन, कस्ब मन अऊ शहर मन म कई स्थान मन म मनखे मन ह सामूहिक रूप ले मुख्यमंत्री के रेडियो प्रसारण सुनिन। जिला मुख्यालय बैकुण्ठपुर के रामानुज मिनी स्टेडियम म मुख्यमंत्री डॉ. सिंह के मासिक रेडियो वार्ता रमन के गोठ के 24वां कडी ल कलेक्टर नरेंद्र कुमार दुग्गा, जिला के पुलिस अधीक्षक विवेक शुक्ला, जिला पंचायत के मुख्य कार्यपालन अधिकारी श्रीमती तुलिका प्रजापति, जनप्रतिनिधि, गणमान्य नागरिक, अधिकारी-कर्मचारी मन, एन सी सी अउ स्काउट गाईड के कैडेट्स संग बड़ संख्या म स्कूली छात्र-छात्रा मन ह तल्लीनता ले सुनिन।