मुख्यमंत्री ह सामान्य ज्ञान प्रतियोगिता के विजेता मन ल करिस पुरस्कृत

रायपुर, 13 अगस्त 2017। मुख्यमंत्री डॉ. रमन सिंह ह आज इहां मेडिकल कॉलेज के सभागृह म एक प्राइवेट टेलीविजन चैनल आई.बी.सी-24 कोति ले आयोजित सामान्य ज्ञान प्रतियोगिता के विजेता मन ल इनाम बांट के बधाई दीन। प्रतियोगिता के आयोजन चैनल कोति ले छत्तीसगढ़ सरकार के पांच हजार दिन पूरा होए के उपलक्ष्य म करे गीस। मुख्यमंत्री ह कहिन कि ये एक अच्छा पहल हे। एखर ले युवा पीढ़ी ल छत्तीसगढ़ के इतिहास संस्कृति, खनिज संसाधन अऊ शासकीय योजना मन के संग प्रदेश के कई ठन पहलु मन के जानकारी मिलथे। साल 2000 म छत्तीसगढ़ के निर्माण होइस अऊ आज हम साल 2017 म हन। अइसन कार्यक्रम मन ले हमला पता चलथे कि आज हमर प्रदेश कहां पहुंच गए हे अऊ विकास के राह म आज कतका आगू निकल गए हे। निश्चित ही अइसन जानकारी मन ले युवा अपन आप मन ल गौरवान्वित महसूस करहीं। ए अवसर म लोक निर्माण मंत्री श्री राजेश मूणत अऊ टी.वी. चैनल आई.बी.सी. के संपादक श्री रविकांत मित्तल, चैनल आई.बी.से. के मुख्य कार्यपालन अधिकारी श्री विद्याधर खटावकर संग आन प्रतिनिधि उपस्थित रहिन।