वन प्रबंधन समिति मन ल 5.10 करोड़ के लाभांश बांटे गीस

वन मड़ई म मुख्यमंत्री ह दीन लाभांश राशि के चेक

रायपुर, 13 अगस्त 2017। मुख्यमंत्री डॉ. रमन सिंह ह आज इहां विज्ञान महाविद्यालय के मैदान म आयोजित वन मड़ई म प्रदेश के 17 वन प्रबंधन समिति मन ल करीबन पांच करोड़ 10 लाख रूपिया के लाभांश राशि के चेक बांटिंन। मुख्यमंत्री ह तेन्दूपत्ता अऊ आन छोटे वनोपज के संग्रहण म उत्कृष्ट काम मन बर प्राथमिक लघु वनोपज सहकारी समिति मन ल पुरस्कृत तको करिन। उमन तेन्दूपत्ता संग्राहक परिवार के लइका मन ल छात्रवृत्ति योजना के चेक वितरित करिन। कार्यक्रम म छत्तीसगढ़ राज्य वनौषधि बोर्ड कोति ले बी.ए.एम.एस. म प्रावीण्य सूची म अवइया पहिली पढ़ईया लईका मन ल पुरस्कृत करे गीस।