मुख्यमंत्री ह बाल श्रवण योजना के एम्बुलेंस के करिस लोकार्पण

रायपुर, 14 अगस्त 2017। मुख्यमंत्री डॉ. रमन सिंह ह आज बिहनिया इहां अपन निवास ले मुख्यमंत्री बाल श्रवण योजना के एम्बुलेंस के लोकार्पण करिन। ये एम्बुलेंस प्रदेश के दूरस्थ अंचल मन म लइका मन के कान संग मनखे मन के आंखी के निःशुल्क जांच करही। एम्बुलेंस समाज सेवी संस्था महावीर इंटर कॉन्टिनेंटल सर्विस आर्गेनाईजेशन कोति ले संचालित करे जाही। एम्बुलेंस लोक निर्माण मंत्री श्री राजेश मूणत के विधायक निधि ले लेहे गए हे। ए अवसर म लोक निर्माण मंत्री श्री राजेश मूणत, समाज सेवी संस्था के अंतर्राष्ट्रीय महासचिव श्री लोकेश कावड़िया, संस्था के अध्यक्ष श्री अशोक जैन संग सर्वश्री सुरेन्द्र पाटनी, सुरेश कांकरिया, मोतीलाल झाबक, मनोज ठाकुर अऊ नाला लाल पटेल उपस्थित रहिन। श्री कावड़िया ह मुख्यमंत्री ल बताइन कि कान अऊ आंखी के जांच के खरचा संस्था डहर ले वहन करे जाही। उंखर संस्था कोति ले पाछू दिनन से करीबन साढ़े तीन लाख मनखे मन के आंखी के निःशुल्क जांच करके ओ मन ल एक लाख 54 हजार चश्मा वितरित करके विश्व कीर्तिमान बनाए गए हे। मुख्यमंत्री ह संस्था कोति ले करे जात समाज सेवा के काम मन के सराहना करत एखर ले जुरे सबो मनखे मन ल बधाई अउ शुभकामना दीन।