उपी म कांग्रेस के हक मांगव अभियान यात्रा काल ले

भाषा, लखनउ, 14 जून 2017। उत्‍तर प्रदेश मं किसान मन अऊ बेरोजगार नौजवान मन बर प्रदेश कांग्रेस पार्टी प्रदेश के सबो 75 जिला मन मं जिला-शहर कांग्रेस कमेटी डहर ले हक मांगव अभियान यात्रा आयोजित कदइया हे। ये अभियान मां चौपाल अऊ पंचायत कार्यक्रम के शुरआत काल 15 जून के दिन अलीगढ़ ले होवईया हे।
उप्र कांग्रेस कमेटी के प्रवक्ता संजय वाजपेयी ह एक बयान मं आज बताइस कि ए यात्रा मं कांग्रेस प्रदेश अध्यक्ष राजबब्बर अऊ आन वरिष्ठ कांग्रेसी नेता सामिल होहीं। इही कड़ी मं प्रदेश अध्यक्ष 16 जून के दिन आगरा, 17 जून के दिन गौतमबुद्ध नगर, 19 जून को लखनउ, 20 जून को उन्नाव अउ 21 जून को बाराबंकी मं किसान अउ बेरोजगार नौजवान मन के पंचायत अउ चौपाल मं हिस्सा लेहीं।
उमन आरोप लगाइन कि केन्द्र अउ प्रदेश के सरकार किसान मन के मूलभूत समस्या मन के प्रति कतई संवेदनशील नइ हे। आये दिन किसान मन के न्यायोचित मांग मन के निराकरण के बात कहे म ओ मन ल लाठी अऊ गोली के शिकार होना परत हे। केन्द्र अउ प्रदेश सरकार के उपेक्षापूर्ण नीति मन के चलत आज किसान आत्महत्या करत हे, फेर संवेदनहीन सरकार के कान तक किसान मन के रोवई सुनई नइ परत हे।