राज्यपाल श्री टंडन ले भारतीय वन सेवा के परिवीक्षाधीन अधिकारी मन करिन सौजन्य भेंट

रायपुर, 23 अगस्त 2017। राज्यपाल श्री बलरामजी दास टंडन ले आज इहां राजभवन म भारतीय वन सेवा के साल 2015 बैच के परिवीक्षाधीन अधिकारी मन ह सौजन्य भेंट करिन।
राज्यपाल श्री टंडन ह परिवीक्षाधीन अधिकारी मन ल हार्दिक शुभकामना देवत जंगल अउ वन्य प्राणी संरक्षण अउ संवर्धन के क्षेत्र म बेहतर काम करे के समझाईश दीन, जऊन दूसर मन बर मिसाल बन सकय। उमन बेहतर काम संस्कृति अपनात मेहनत अऊ लगन ले ए क्षेत्र म अवइया चुनौति मन के सामना करे म जोर दीन।
ए अवसर म खैरागढ़ के वन मंडलाधिकारी श्री दिलराज प्रभाकर, परिवीक्षाधीन अधिकारी श्री रंगनाथ रामकृष्ण, श्री अरविन्द पी.एम., श्री विष्णुराज एन. नायर, श्री मनीष कश्यप, श्री संदीप बलगा उपस्थित रहिन।