राज्यपाल श्री टंडन ले हिन्दुस्तान स्काउट्स अउ गाइड्स के पदाधिकारी मन ह करिन सौजन्य भेंट

रायपुर, 28 अगस्त 2017। राज्यपाल श्री बलरामजी दास टंडन ले आज इहां राजभवन म हिन्दुस्तान स्काउट्स अउ गाइड्स के छत्तीसगढ़ ईकाई के अध्यक्ष श्री पवन कुमार सिंह ह सौजन्य भेंट करिन अऊ स्कार्फ बांधके ओ मन ल सम्मानित करिन। श्री सिंह ह छत्तीसगढ़ ईकाई के मुख्य संरक्षक बने म राज्यपाल श्री टंडन के आभार व्यक्त करिन। ए मौका म श्री सिंह ह राज्यपाल ल स्मृति चिन्ह घलोक भेंट करिन। ए अवसर म हिन्दुस्तान स्काउट्स अउ गाइड्स के छत्तीसगढ़ ईकाई के पदाधिकारी डॉ. चन्द्रप्रकाश तिवारी, श्री राकेश झा, श्रीमती नीता डुमरे घलोक उपस्थित रहिन। आप मन जानतेच हवव कि ये संगठन साल 1922 ले पढ़ईया लईका मन के चरित्र निर्माण के काम करत हे।