सहकारिता मंत्री ले जनप्रतिनिधि मन अऊ अधिकारी मन ह करिन मुलाकात

रायपुर, 29 अगस्त 2017। पर्यटन, संस्कृति अऊ सहकारिता मंत्री श्री दयालदास बघेल ले आज इहां मंत्रालय (महानदी भवन) म जनप्रतिनिधि मन अऊ अधिकारी मन ह मुलाकात करिन। श्री बघेल ले रायपुर जिला के कोलियारी लखना गांव के पहिली सरपंच श्री भोलाराम चक्रधारी, नवागांव (अभनपुर) के श्री बाबूलाल साहू, ग्राम पौड़ के श्री गीताराम साहू संग आन जघा मन ले आये प्रतिनिधि मन ह मिलके कई ठन समस्या मन के बारे म अऊ विकास कार्य मन के बारे म बताइन। पर्यटन विभाग के एम.डी. श्री एम.टी. नंदी संग आन विभागीय अधिकारी मन ह घलोक सहकारिता मंत्री ले कामकाज के सम्बंध म चर्चा करिन।