एक महिना के भीतर लाबो प्रदेश के नवा खेल नीति: डॉ. रमन सिंह

मुख्यमंत्री ह राज्य खेल अलंकरण समारोह म 316 खिलाड़ी मन ल करिन पुरस्कृत अऊ सम्मानित
मेजर ध्यानचंद के जयंती के अवसर म होइस ‘राष्ट्रीय खेल दिवस’ के आयोजन

रायपुर, 29 अगस्त 2017। मुख्यमंत्री डॉ. रमन सिंह ह कहे हें कि छत्तीसगढ़ सरकार राज्य के खिलाड़ी मन ल अऊ जादा प्रोत्साहन देहे बर अपन खेल नीति एक महिना के भीतर ले आही। उमन कहिन कि हम सबला कई बछर ले अपन खेल नीति के अगोरा रहिस हे। कई ठन खेल संगठन मन अऊ वरिष्ठ खिलाड़ी मन ले विचार-विमर्श के बाद ये नीति तइयार करे गए हे। डॉ. सिंह ह प्रदेश के युवा खिलाड़ी मन ले आव्हान करिन कि ओ मन ओलंपिक विजेता बने के सपना अऊ लक्ष्य लेके कड़ा मेहनत ले खुद ल तैयार करे म जुट जावंय।



मुख्यमंत्री आज इहां हॉकी के जादूगर मेजर ध्यानचंद के जयंती (राष्ट्रीय खेल दिवस) के अवसर म इंडोर स्टेडियम म आयोजित राज्य खेल अलंकरण समारोह ल सम्बोधित करत रहिन। उमन समारोह म कई ठन खेल मन के 316 खिलाड़ी मन ल पुरस्कृत अऊ सम्मानित करिन। एमां ले 75 खिलाड़ी मन ल खेल अलंकरण ले अऊ 241 खिलाड़ी मन ल नगद पुरस्कार ले सम्मानित करिन। डॉ. सिंह ह ए सबो खिलाड़ी मन ल बधाई दीन अऊ ऊंखर उज्ज्वल भविष्य के कामना करिन।
समारोह म केन्द्रीय खान अउ इस्पात राज्य मंत्री श्री विष्णुदेव साय, रायपुर के लोकसभा सांसद श्री रमेश बैस, खा़द्य, नागरिक आपूर्ति अऊ ग्रामोद्योग मंत्री श्री पुन्नूलाल मोहले, लोक निर्माण, घर अऊ पर्यावरण मंत्री श्री राजेश मूणत, विशेष अतिथि के रूप म सामिल होइन। ऊंखर संगेच पाठयपुस्तक निगम के अध्यक्ष श्री देवजी भाई पटेल, रायपुर (उत्तर) के विधायक श्री श्रीचंद सुन्दरानी, रायपुर (ग्रामीण) के विधायक श्री सत्यनारायण शर्मा, नगर निगम रायपुर के महापौर श्री प्रमोद दुबे, राज्य युवा आयोग के अध्यक्ष श्री कमल चंद्र भंजदेव, राज्य महिला आयोग के अध्यक्ष श्रीमती हर्षिता पाण्डेय, छत्तीसगढ़ योग आयोग के अध्यक्ष श्री संजय अग्रवाल, रायपुर विकास प्राधिकरण के अध्यक्ष श्री संजय श्रीवास्तव, भारतीय ओलंपिक संघ के कार्यकारिणी के सदस्य श्री विक्रम सिसोदिया, राज्य युवा आयोग के सदस्य सर्वश्री समीर सिंह ठाकुर, विजय रजवाड़े, अमरजीत सिंह छाबड़ा, सौम्यव्रत चाकी, सत्येन्द्र सिंह, रघुराज सिंह उईके अऊ संग्राम सिंह राणा घलोक समारोह म विशेष अतिथि के रूप म सम्मिलित होइन।