राज्य खेल अलंकरण समारोह 2017 : मुख्यमंत्री के हाथ पुरस्कृत होइन 316 खिलाड़ी

रायपुर, 29 अगस्त 2017। मुख्यमंत्री डॉ. रमन सिंह ह आज इहां राष्ट्रीय खेल दिवस के अवसर म छत्तीसगढ़ सरकार के खेल अऊ युवा कल्याण विभाग कोति ले आयोजित राज्य खेल अलंकरण समारोह 2017 म 316 खिलाड़ी मन ल पुरस्कृत अऊ सम्मानित करिन। एमां ले 75 खिलाड़ी मन ल राज्य खेल अलंकरण अऊ 241 खिलाड़ी मन ल नगद पुरस्कार ले नवाजे गीस। ए खिलाड़ी मन के विवरण ए प्रकार हे-
शहीद राजीव पाण्डेय पुरस्कार साल 2016-17
हॉकी खिलाड़ी सुश्री रेणुका यादव, एक्वेटिक खिलाड़ी सुश्री सृष्टि नाग, बास्केट बाल खिलाड़ी सुश्री संगीता कौर, हैंड बाल बर सुश्री रजनी, कराते बर श्री नीति सिंह, रोल बाल बर सुश्री अंजली नायक, पैराएथेलेटिक्स बर सुश्री संगीता मसीह अऊ डेफ क्रिकेट बर श्री पृथ्वीराज रामटेके ल नवाजे गीस।



शहीद कौशल यादव पुरस्कार साल 2016-17
तीरंदाजी बर सुश्री केल्पित लेप्चा, बास्केट बाल बर सुश्री गुलबासा अली, बेडमिंटन बर सुश्री आकर्षि कश्यप, पावर लिफ्टिंग बर सुश्री नीतू सोनवाने, साफ्ट बाल बर श्री मानस केशरवानी, कराटे बर सुश्री मिहिका तालुकदार अऊ तैराकी (पैरा) बर सुश्री अंजना बाई ल सम्मानित करिन।

वीर हनुमान सिंह पुरस्कार 2017
कराटे बर प्रशिक्षक श्री अमलेन्दु तालुकदार ल अऊ वॉलीबाल के निर्णायक बर श्री मोहम्मद गौस बेग ल श्री वीर हनुमान सिंह पुरस्कार 2017 ले सम्मानित करिन।

शहीद पंकज विक्रम पुरस्कार 2016-17
फेसिंग खेल बर सुश्री इन्दु निषाद अऊ श्री अनुप चौधरी ल, जुडो बर सुश्री लता दास ल, क्याकिंग केनोईंग वाले खेल बर अशोक कुमार अऊ सुश्री हेमलता सार्वा ल, सॉफ्टबाल बर सुश्री के.अनिशा अऊ श्री अमित कुमार बरू ल, वालीबाल बर श्री कौशल कुमार वर्मा अऊ सुश्री पायल प्रधान ल, टेबल टेनिस बर श्री कुणाल देव अऊ सुश्री प्रियंका सिंह ल, वुशू खेल बर श्री कमल किशोर धीवर अऊ सुश्री डी, पारूल ल, कबड्डी बर श्री संतोष कुमार साहू अऊ सुश्री अनिता विश्वकर्मा ल, बाल बेडमिंटन बर श्री रामेन्द्र यादव अऊ सुश्री अमृता सिंह ल, पैरा-तैराकी बर श्री सुरेश कुमार मधुकर ल, टेनिक्वाईट खेल बर श्री आकाश कुमार शर्मा ल, खो-खो बर श्री अविनाश कुमार आचार्य ल, बॉक्ंिसग बर श्री ए. सूदर्शन ल, बेसबाल बर श्री मलिक मोहम्मद ल, बेडमिंटन बर श्री मनीश कुमार गुप्ता अऊ सुश्री जूही देवांगन ल, अऊ फुटबाल बर श्री जावेद खान ल शहीद पंकज विक्रम पुरस्कार 2016-17 ले नवाजे गीस।



शहीद विनोद चौबे सम्मान 2016-17
श्री हेमन्त कुमार साहू ल हैंडबाल बर, श्री बालमुकुन्द सिंह ल मास्टर एथलेटिक्स बर, श्री समीर सरकार ल टेबल टेनिस बर, श्री सत्यप्रकाश मसीह ल पावर लिफ्टिंग बर अऊ श्री जसवंत कुमार क्लाडियस ल खेल समीक्षक पत्रकार के रूप म शहीद विनोद चौबे सम्मान साल 2016-17 ले सम्मानित करिन।

मुख्यमंत्री ट्राफी 2016-17
मुख्यमंत्री ट्राफी के अन्तर्गत सॉफ्ट टेनिस (पुरूष सीनियर वर्ग) म सर्वश्री लॉरेंस संटियागो, नील शुक्ला, हेनरी सेंटियागो, हरप्रीत वारिया, आर. त्रिनाथ राव, दिलीप विश्वकर्मा, रोहिन सेंटियागो, हिमांशु मौर्य अऊ प्रशिक्षण श्री रविशंकर धनगर अउर प्रबंधक श्री प्रमोद सिंह ठाकुर ल सम्मानित करिन। ये वाले ट्राफी राष्ट्रीय प्रतियोगिता म निरंतर स्वर्ण अऊ रजत पदक प्राप्त करना वाले टीम ल दे जात हे। ये मां पांच लाख रूपिया के पुरस्कार राशि सामिल हे। सीनियर वर्ग पुरूष ल ये वाले ट्राफी सॉफ्ट टेंनिस म बारहवीं अऊ चौदहवीं राष्ट्रीय प्रतियोगता म स्वर्ण पदक अउर तेरहवीं राष्ट्रीय रजत पदक हासिल करे म दे गयी। मुख्यमंत्री ट्राफी सॉफ्ट बाल (बालक-जूनियर) बर छत्तीसगढ़ के जऊन खिलाड़ी मन ल संयुक्त रूप ले दे गीस, ओमां सर्वश्री राजू साहू, निखिल नायक, मोहित ठाकुर, अनिमेश तांडी, राज महानंद, जगदीश महानंद, राज देशलहरे, मानस केशरवानी, पी. आशीष, शाह नदीम, सोनू गुप्ता, नरसिंह नेताम, सौरभ यादव, ललित यादव, युगल किशोर देवांगन, नीलकमल यादव, नीरज यादव अऊ प्रशिक्षक श्री प्रदीप साहू ल संयुक्त रूप ले दे गीस। ए खिलाड़ी मन ह जूनियर राष्ट्रीय सॉफ्ट बाल प्रतियोगिता 2015 अऊ 2016 म स्वर्ण पदक अऊ 2017 म रजत पदक प्राप्त करिन रहिन। मुख्यमंत्री ट्राफी म आज ओ मन ल तीन लाख रूपिया के पुरस्कार राशि प्रदान करे गीस।



उपर के पुरस्कार मन के अलावा 241 खिलाड़ी मन अऊ खेल पत्रकार मन ल घलोक समारोह म सम्मानित करे गीस। दलीय खेल मन के अन्तर्गत प्रदेश के बास्केट बाल दल ल 43 वां सब जूनियर राष्ट्रीय बास्केट बाल प्रतियोगिता म स्वर्ण पदक मिले म मुख्यमंत्री ह आज के समारोह म खेल अंकूर स्वर्ण अलंकरण ले सम्मानित करिन। एखर अन्तर्गत टीम के 11 खिलाड़ी मन ल दस-दस हजार रूपिया के मान ले कुल एक लाख 10 हजार रूपिया के सम्मान राशि प्रदान करे गीस। क्याकिंग केर्नोइंग दल ल 27 वीं सीनियर राष्ट्रीय प्रतियोगिता म रजत पदक अऊ कांस्य पदक हासिल करे म खेल शिखर अलंकरण ले सम्मानित करत टीम के सबो छै खिलाड़ी मन ल कुल एक लाख रूपिया के सम्मान राशि ले नवाजे गीस। क्याकिंग केर्नोइंग जूनियर टीम ल राष्ट्रीय प्रतियोगिता म रजत पदक अऊ कांस्य पदक अर्जित करे म खेल गौरव अलंकरण ले नवाजे गीस। हैंडबाल दल ल 33 वां सब जूनियर राष्ट्रीय प्रतियोगिता म पदक हासिल करे म खेल अंकुर अलंकरण ले सम्मानित करत सोला खिलाड़ी मन ल कुल 64 हजार रूपिया के राशि प्रदान करे गीस। हैंडबाल दल ल 45वीं सीनियर वर्ग के राष्ट्रीय प्रतियोगिता म पदक हासिल करे म दल के सबो 16 खिलाड़ी मन ल तीन लाख 20 हजार रूपिया के पुरस्कार राशि ले नवाजे गीस। अइसनहे कई ठन दलीय खेल मन के राष्ट्रीय प्रतियोगिता मन म शानदार प्रदर्शन अऊ पदक हासिल करे म फेंसिंग दल सब जूनियर, जूनियर अऊ सीनियर, तीरंदाजी दल जूनियर अऊ सीनियर, तैराकी दल जूनियर अऊ सीनियर, सॉफ्ट बाल दल जूनियर अऊ सीनियर वर्ग, बाल बैडमिंटन दल, कराटे दल, पैरा एथलेटिक दल, पैरा तैराकी दल, सॉफ्ट टेनिस दल ल घलोक आज के समारोह म सम्मानित करे गीस।