अक्षय कुमार के कुकुर घलोक देखिस ”टॉयलेट एक प्रेम कथा”

मुंबई: हालेच म फिल्‍मी हीरो अक्षय कुमार के फिलिम ‘टॉयलेट एक प्रेम कथा’ सिनेमा घर मन म लगे हे। सामाजिक सीख उपर बने ए फिलिम म अक्षय ह मनखे मन ल निजी शौचालय बनवाए के संदेस देहे हे। ये फिलिम ल भारत देस म अउ़बड़ पसंद करे गए हे। अक्षय के बताती, उंखर ए फिलिम ल ऊंखर परिवार के संग ऊंखर कुकुर घलोक देखिस। अक्षये ह अपन ये फिलिम ल अपन कुकुर देखाइस।



ये बात ल अक्षय ह सोशल मीडिया म एक वीडियो शेयर करके बताए हे। ओ वीडियो म उंखर कुकुर ह पखाना करे के बाद पानी वाले कांड़ी ल चपकत दिखत हे। ए वीडियो ह ये बतावत हे कि ए फिल्म ल देख के अक्षय के कुकुर ह तको सीख ल धरे हे। त .. मनखे मन ल त धरना चाही।

Look who's a good boy! #ToiletTraining 101

A post shared by Akshay Kumar (@akshaykumar) on