मुख्यमंत्री ह करिस किक बॉक्सिंग राष्ट्रीय स्पर्धा के पोस्टर के अनावरण

राजधानी म 7-10 सितमबर तक होही प्रतियोगिता
देश भर के अंताजन दू हजार खिलाड़ी सामिल होही

रायपुर, 29 अगस्त 2017। मुख्यमंत्री डॉ. रमन सिंह ले आज इहां ऊंखर निवास कार्यालय म सीएसआईडीसी अऊ छत्तीसगढ़ किक बाक्सिंग एसोसिएशन के अध्यक्ष श्री छगन लाल मूंदड़ा के नेतृत्व म एसोसिएशन के प्रतिनिधि मंडल ह सौजन्य मुलाकात करिन। मुख्यमंत्री ह ए अवसर म एसोसिएशन कोति ले राजधानी रायपुर म अवइया महीना के सात तारीक ले आयोजित होवइया राष्ट्रीय किक बॉक्सिंग प्रतियोगिता के पोस्टर के अनावरण करिस। श्री मूंदड़ा ह ओ मन ल बताइस कि ये वाले प्रतियोगिता सात सितमबर ले दस सितमबर तक चलही। ये वाले प्रतियोगिता डॉ. रमन सिंह के सरकार के 5000 दिन सफलतापूर्वक पूरा होए के उपलक्ष्य म आयोजित करे जात हे। ये मां देश भर के अंताजन दू हजार खिलाड़ी सामिल होंहीं विधानसभा अध्यक्ष श्री गौरीशंकर अग्रवाल सात सितमबर के दिन इंडोर स्टेडियम म प्रतियोगिता के शुभारंभ करहीं। श्री मूंदड़ा ह मुख्यमंत्री ल प्रतियोगिता के समापन समारोह म मुख्य अतिथि के रूप म सामिल होए के न्यौता दीन। डॉ. सिंह ह आमंत्रण बर एसोसिएशन के प्रति आभार प्रकट करिस। उमन आयोजन के सफलता बर अपन शुभकामना दीन। ए अवसर म एसोसिएशन के प्रदेश महामंत्री श्री तारकेश मिश्रा संग श्री दीपक प्रसाद, राजेश तिवारी अऊ आन कई सदस्य उपस्थित रहिन।