दिल्ली म प्रशासनिक परीक्षा मन के तैयारी करत पढ़ईया लईका मन ल छत्तीसगढ़ सरकार ले मिलही हर संभव मदद: श्री केदार कश्यप

नई दिल्ली म ट्रायबल यूथ होस्टल म नवा सत्र के पढ़ईया लईका मन के स्वागत सत्र म आदिम जाति विकास मंत्री के उद्बोधन

रायपुर, 30 अगस्त 2017। छत्तीसगढ़ के आदिम जाति अऊ अनुसूचित जाति विकास मंत्री श्री केदार कश्यप ह कहिन कि नई दिल्ली म प्रशासनिक परीक्षा मन के तैयारी करत पढ़ईया लईका मन ल राज्य शासन के तरफ ले हर संभव मदद प्रदान करे जाही। उमन कहिन कि पढ़ईया लईका मन के लक्ष्य ए परीक्षा मन म सफल होके अपन राज्य अऊ क्षेत्र के प्रति अपन कर्तव्य निर्वहन के होना चाही। श्री कश्यप ह काल संझा नई दिल्ली के द्वारका म छत्तीसगढ़ ट्रायबल यूथ होस्टल म प्रशासनिक परीक्षा मन के तैयारी मन बर छत्तीसगढ़ ले चुने गए 60 पढ़ईया लईका मन के स्वागत सत्र ल संबोधित करत रहिन। ए अवसर म छत्तीसगढ़ शासन के आदिम जाति कल्याण विभाग के आयुक्त श्रीमती रीना बाबा साहेब कंगाले अऊ समाज कल्याण विभाग के संचालक डॉ. संजय अलंग घलोक उपस्थित रहिन।



श्री केदार कश्यप ह कहिन कि छत्तीसगढ़ ले दिल्ली परीक्षा के तैयारी बर आए सबो लइका प्रतिभावान हें अऊ ऊंखर लिए श्रेष्ठ मार्गदर्शन अऊ प्रशिक्षण के व्यवस्था करे गए हे। अइसन अवसर सबो ल नइ मिलय। पढ़ईया लईका मन ल ए अवसर के लाभ उठात कठिन परिश्रम करना चाही। अनुसूचित जाति अउ आदिम जाति विकास विभाग के आयुक्त श्रीमती रीना बाबा साहेब कंगाले ह घलोक पढ़ईया लईका मन ल परीक्षा मन के तैयारी मन के संबंध म अपन अनुभव के आधार म मार्गदर्शन दीन। समाज कल्याण विभाग के संचालक डॉ. संजय अलंग ह कहिन कि पढ़ईया लईका मन ल परीक्षा मन के तैयारी करत समय बार बार अभ्यास करके अऊ ओला सर्वश्रेष्ठ तरीका ले प्रस्तुत करे के तरफ विशेष ध्यान देना चाही।
ए अवसर म श्री कश्यप ह पढ़ईया लईका मन ले परिचय प्राप्त करिन अऊ ओ मन ल प्रतियोगी परीक्षा मन के तैयारी बर पुस्तक घलोक भेंट करिन। कार्यक्रम के म छत्तीसगढ़ ट्रायबल यूथ होस्टल के प्रशासकीय अधिकारी डॉ. दिनेश ओझा ह संस्थान के गतिविधि मन के जानकारी दीन। ए अवसर म डिप्टी कलेक्टर श्री विभोर अग्रवाल घलोक उपस्थित रहिन।