एक भारत श्रेष्ठ भारत : चक्रधर समारोह म गुजरात के कलाकार मन के रंगारंग प्रस्तुति

रायपुर 31 अगस्त 2017। रायगढ़ म आयोजित 33वां चक्रधर समारोह म काल साँझे के सांस्कृतिक कार्यक्रम म गुजरात राज्य ले आये उहां के लोक कलाकार मन ह लोक नृत्य, गरबा के बेहतरीन प्रस्तुति दीन। नृत्य संगीत के ए प्रस्तुति ह दर्शक मन ल मंत्रमुग्ध कर दीस।
गुजरात के कलाकार मन के दल ह ’’एक भारत श्रेष्ठ भारत’’ योजना के तहत सांस्कृतिक कार्यकम ल प्रस्तुत करे रायगढ़ के ऐतिहासिक 33वां चक्रधर समारोह म पहुंचे हे। एक भारत श्रेष्ठ भारत के तहत गुजरात अऊ छत्तीसगढ़ राज्य के लोक कलाकार कई ठन अवसर मन म एक दूसर के राज्य म सांस्कृतिक लोक नृत्य संगीत के प्रस्तुति देवत हे। ए योजना ले दुनों राज्य मन के मनखे मन ल एक दूसर के संस्कृति ल जाने समझे अउ देखे के अवसर मिलत हे।