‘मूल्यांकन अउर प्रत्यायन‘ ऊपर एक दिवसीय कार्यशाला के उच्च शिक्षा मंत्री ह करिस शुभारंभ

कॉलेज अऊ विश्वविद्यालय मन के शिक्षा गुणवत्ता के राखव धियान : श्री प्रेमप्रकाश पाण्डेय
पाछू चउदा बछर म छात्रा मन के दाखिला म होइस बढ़ोतरी

रायपुर, 31 अगस्त 2017। उच्चतर शैक्षणिक संस्थान मन म ज्ञान अऊ अनुसंधान के व्यवस्था उच्च शिक्षा के असली लक्ष्य होना चाही। आधुनिक परिवेश म कौशल-सम्पन्न मानव संसाधन के समूह-निर्माण घलोक उच्च शिक्षा के समयानुसार जरूरत हे। उच्च शिक्षा मंत्री श्री प्रेमप्रकाश पाण्डेय ह आज इहां इन्दिरागांधी कृषि विश्वविद्यालय रायपुर के स्वामी विवेकानंद सभागार म उच्च शिक्षा विभाग कोति ले आयोजित ‘राष्ट्रीय गुणवत्ता नवचेतना पहल के तत्वावधान म ‘मूल्याकन अउ प्रत्यायन‘‘ ऊपर एक दिवसीय कार्यशाला के शुभारंभ अवसर म ए आशय के विचार व्यक्त करिन। कार्यक्रम म मुख्य वक्ता के रूप म श्री पूनम बी.राज, इन्दिरागांधी कृषि विश्वविद्यालय के कुलपति डॉ. एस.के. पाटिल, उच्च शिक्षा विभाग के अपर मुख्य सचिव श्री सुनील कुजूर, उच्च शिक्षा आयुक्त डॉ. बसवराजू एस, राज्य परियोजना संचालक (रूसा) श्री भुवनेश यादव संग उच्च शिक्षा विभाग के अधिकारी कॉलेज के प्रार्चाय अऊ प्रध्यापक उपस्थित रहिन ।