नक्सली पीछू हटत हें, काबर कि मनखे मन के दुवारी तक पहुंचत हे विकास: डाॅ. रमन सिंह

मुख्यमंत्री ह कहिन – भूखे पेट नइ होवय दवाइ मन के असर, इही खातिर हमन बनायेन देश के पहिली खाद्य अऊ पोषण सुरक्षा कानून
कुपोषण मुक्त छत्तीसगढ़, सस्ता अनाज योजना के लक्ष्य: डाॅ. सिंह
रायपुर, 31 अगस्त 2017। मुख्यमंत्री डाॅ. रमन सिंह ह कहिन हे कि राज्य के आदिवासी बहुल सुकमा जिला ल नक्सली मन के राष्ट्रीय मुख्यालय माने जात रहिस, फेर अब उहां घलोक नक्सली पीछू हटत हे, काबर कि सरकार के डहर ले होत विकास ल लेके हम ओ अंचल के मनखे मन के दुवारी तक पहुंचत हवन। उमन कहिन कि दंतेवाड़ा अऊ सुकमा जिला मन म बनाय गए एजुकेशन हब ले उहां के हजारों लइका मन बर शिक्षा के संग भविष्य निर्माण के रस्ता आसान हो गए हे। उमन कहिन – साल 2022 म जब हम देश के आजादी के 75वां वर्षगांठ मनाबो, ओ समय तक छत्तीसगढ़ ह भारत के पहिली तीन सबले ज्यादा विकसित राज्य मन के श्रेणी म सामिल हो जाही।