मुख्यमंत्री के हाथ साइकिल मिलीस त मगन होइन नोनी मन

रायपुर, 31 अगस्त 2017। मुख्यमंत्री डॉ. रमन सिंह ह आज जिला मुख्यालय रायगढ़ म सरस्वती साईकिल योजना के तहत हाईस्कूल कक्षा मन के बालिका मन ल निःशुल्क साइकिल के वितरण कररिस। साइकिल पाके बालिका मन खुस होइन। मुख्यमंत्री ह ऊंखर उज्जवल भविष्य के कामना करिन। डॉ. सिंह ह ए बालिका मन ल मिलाकर आज के कार्यक्रम म कई ठन सरकारी योजना मन के तहत करीब 850 हितग्राही मन ल 87 लाख 36 हजार रूपिया के सहायता राशि अऊ अनुदान सामान के वितरण करिस। ए अवसर म गृह मंत्री श्री रामसेवक पैकरा, विधायक श्री रोशनलाल अग्रवाल अऊ आन बहुत अकन वरिष्ठ जनप्रतिनिधि मन संग कई ठन संस्था मन के प्रतिनिधि उपस्थित रहिन।