प्रभारी सचिव ह कबीरधाम जिला म सूखा के स्थिति के समीक्षा करिन

कवर्धा,01 सितमबर 2017। कबीरधाम जिला के प्रभारी सचिव श्री गणेश शंकर मिश्रा ह आज सुकरवार के दिन इहां कलेक्ट्रोरेट के सभा कक्ष म जिला स्तरीय अधिकारी मन के बैठक लेके जिला म अल्पवर्षा, सूखा के स्थिति अउ खरीफ फसल मन के विस्तार ले समीक्षा करिन। जिला कलेक्टर श्री नीरज कुमार बनसोड़ ह बताइस कि कबीरधाम जिला के कवर्धा, पंडरिया, बोडला अउ सहसपुर लोहारा सबो तहसील मन म अल्प वर्षा के स्थिति बने हे। उमन धान के फसल के स्थिति के विस्तार ले जानकारी दीन। बैठक म पुलिस अधीक्षक डॉ. लाल उमेद सिंह, जिला पंचायत के मुख्यकार्यपालन अधिकारी डॉ सर्वेश्वर नरेन्द्र भूरे, अपर कलेक्टर श्री प्रदीप कुमार मिश्रा, वनमंडलाधिकारी श्री प्रभात मिश्रा, कवर्धा एडीएम श्री चन्द्रकांत कौशिक, बोडला एडीएम श्री गिरिधारी लाल यादव, पंडरिया एसडीएम श्री चन्द्रवंशी संग जम्‍मो विभाग मन के जिला स्तरीय अधिकारीगण विशेष रूप ले उपस्थित रहिन।
प्रभारी सचिव श्री गणेश शंकर मिश्र ह जिला म सूखा के स्थिति के समीक्षा करत जिला म अल्प वर्षा ले निपटे बर जिला प्रशासन ल मनरेगा के तहत रोजगार मूलक काम मन के कार्य योजना बनाए बर कहिन। उमन जिला के सबो मध्यम जलाशय मन म पानी के उपलब्धता के विस्तार ले जानकारी लीन। कलेक्टर श्री बनसोड़ ह जिला के सबो पांचों मध्यम जलाशय मन म क्रमशः सरोधा, छिरपानी, बहेराखार, सुतियापाट अउ कर्रानाला जलाशय मन म आज के स्थिति म जल भराव के विस्तार ले जानकारी दीन। उमन बताइन कि हाले म जिला म वर्षा के स्थिति पहिली ले बेहतर हे, जेखर से जलाशय मन म पानी भराव के प्रतिशत बाढ़े हे। अभी हाल म सरोधा जलाशय म 16 प्रतिशत ले बाढ़के 41 प्रतिशत जल भराव हो चुके हे। जल संसाधन विभाग के अधिकारी ह घलोक अवगत कराइस के जिला म वर्षा के स्थिति बने हो गए हे, जेखर ले सबो जलाशय मन म पानी के प्रतिशत बाढ़े लगे हे। कलेक्टर ह बताइस कि छिरपानी जलाशय म 63 प्रतिशत, बैहराखार जलाशय म 60 प्रतिशत, सुतियापाठ जलाशय म 81 प्रतिशत, अउ कर्रानाला जलाशय म 91 प्रतिशत जल भराव हे। प्रभारी सचिव ह जिला के किसान मन से सिचाई बर पानी के मांग के विस्तार ले जानकारी लीन। उमन कहिन कि किसान मन से सिचाई बर पानी के मांग के आधार म ए जलाशय मन ले पानी देहे जा सकत हे। कलेक्टर ह मध्यप्रदेश के सीमा ले लगे जिला के बहराखार जलाशय के विस्तार संबंधित कार्य योजना मन के घलोक जानकारी दीन।
प्रभारी सचिव श्री मिश्र ह स्वास्थ्य विभाग के काम मन के जानकारी लेत जिला के बैगा बाहूल्य विकासखण्ड बोडला अउ पंडरिया के वनांचल क्षेत्र मन म वर्षा ऋतु म होवइया जलजनित बीमारी मन के रोकथाम बर चलाए जात अभियान मन के घलोक जानकारी लीन। उमन वर्षा ऋतु म होवइया जलजनित बीमारी मन अउ मलेरिया बीमारी के रोकथाम करे अउ वनांचल क्षेत्र मन म सतत मॉनिटरिंग करे बर घलोक निर्देशित करिन। उमन जिला म राज्य शासन कोति ले अनुदान प्राप्त गौशाला मन के घलोक विस्तार ले जानकारी लीन, अउ अनुविभागीय अधिकारी मन अउ पशुपालन विभाग के अधिकारी ल गौशाला मन के सतत निरीक्षण करे रहन बर घलोक निर्देशित करिन।
प्रभारी सचिव श्री मिश्र ह जिला म पेयजल स्थिति अउ हैण्डपंप मन के घलोक विस्तार ले जानकारी लीन। बैठक म बताइए गीस कि जिला म अभी हाल म पेयजल के दिक्कत नइ हे। गरमी के दिन म म हैण्डपंप मन के जल स्तर नीचे गिर जथे फेर अभी हाल म जल स्तर म सुधार होए हे। जिहां जिहां हैण्डपंप मन के रखाब होए के शिकायत आवत हे, ओला विभागीय अमला तुरते सुधार करत हे।