एपीजे अब्दुल कलाम शिक्षा गुणवत्ता अभियान के तहत करे गीस निरीक्षण

कवर्धा, 01 सितमबर 2017। कबीरधाम जिला के प्रभारी अउ जल संसाधन विभाग के सचिव श्री गणेश शंकर मिश्रा ह अपन एक दिवसीय प्रवास के समय कवर्धा स्थिति धरमपुरा अउ शासकीय प्राथमिक शाला कैलाश नगर पहुंच के एपीजे अब्दुल कलाम शिक्षा गुणवत्ता अभियान के तहत निरीक्षण करिन। ए दौरान ऊंखर संग जिला कलेक्टर श्री नीरज कुमार बनसोड़ पुलिस अधीक्षक डॉ. लाल उमेद सिंह, जिला पंचायत के मुख्यकार्यपालन अधिकारी डॉ सर्वेश्वर नरेन्द्र भूरे, अपर कलेक्टर श्री प्रदीप कुमार मिश्रा, वनमंडलाधिकारी श्री प्रभात मिश्रा, जिला शिक्षा अधिकारी श्री सतीश कुमार पांडेय, कवर्धा एडीएम श्री चन्द्रकांत कौशिक विशेष रूप ले उपस्थित रहिन।
प्रभारी सचिव ह सबले पहिली धरमपुरा स्थित डीएवी मुख्यमंत्री पब्लिक स्कूल परिसर पहुंचिन अऊ उहां के-1, के-2, कक्षा तीसरी अउ कक्षा सातवीं के लइका मन ले बातचीत करिन। उमन सातवीं कक्षा के लइका मन ले संस्कृत के श्लोक सुनाए ल कहिन अऊ लइका मन ह ओ मन ल संस्कृत के श्लोक के संगें-संग ओखर मतलब घलोक बताइन। ए सुनके उमन लइका मन ल सबासी देइन। एखर बाद प्रभारी सचिव ह कैलाश नगर स्थित शासकीय प्राथमिक विद्यालय पहुंचके छात्र मन के शैक्षणिक ज्ञान ल परखिन। कक्षा पांचवी के छात्रा कु. किरन मानिकपुरी ले उमन 17 अउ 19 के पहाड़े पूछिन, उन्‍हें कु. कुलेश्वरी सिन्हा ले प्रदेश के मुख्यमंत्री, देश के प्रधानमंत्री अउ इहां तक के जिला के कलेक्टर के नाम घलोक पूछिन। छात्रा के सही जवाब दे म उमन विशेष रूप ले शाबाशी दीन। कक्षा दुसरी अउ कक्षा चौथीं के छात्र मन ले घलोक उमन बातचीत करिन अऊ उंखर पढ़ाई के बारे मं जानकारी लीन। ए दौरान छात्र मन के पालक घलोक शाला परिसर म मौजूद रहिन। उमन पालक मन ले बातचीत करके लइका मन के पढ़ाई म विशेष ध्यान देहे के संगें-संग साफ सफाई अउ स्वास्थ्य म घलोक ध्यान देहे ल कहिन।