अंबिकापुर म वायु सेना म भर्ती रैली 15 नवंबर ले

कोरबा, 01 सितमबर 2017। जिला के युवा मन ल भारतीय वायुसेना म जाय के सुनहरा अवसर मिलइया हे। मुख्यमंत्री के विशेष प्रयास ले छत्तीसगढ़ के उत्तरी क्षेत्र के युवा मन बर जिला मुख्यालय अंबिकापुर म 15 ले 21 नवंबर 2017 तक भारतीय वायुसेना के कई ठन पद मन बर भर्ती रैली के आयोजन करे जात हे। जिला शिक्षा अधिकारी ह बताइस कि एमां आटोमोबाईल टेकनिशियन, ग्राउन्ड ट्रेनिंग इन्सट्रक्टर, वायु सेना पुलिस अउ वायु सेना सुरक्षा पद मन म भर्ती करे जाही। भर्ती रैली म इच्छुक अभ्यर्थी ल अपन जम्‍मो पढ़ई के प्रमाण पत्र के संग रैली तारीक म रैली स्थल म उपस्थित होना होही। डीईओ ह बताइस कि ये सीधी भर्ती हे येमां पहिली ले आवेदन करे के जरूरत नइ हे। भारतीय वायु सेना म भरती बर प्रदेश के युवा मन बर ये स्वर्णिम अवसर हे। भर्ती बर मापदण्ड संबंधी विस्तृत जानकारी डब्ल्यूडब्ल्यूडब्ल्यू एअरमेनसलेक्शन डाट जीओव्ही डाट ए म देखे जा सकत हे।