डीएमएफ म प्रतिनियुक्ति-शासकीय सेवक मन ले आवेदन आमंत्रित

कोरबा, 01 सितमबर 2017। जिला खनिज संस्थान न्यास (डीएमएफ) कोरबा म स्वीकृत पद संरंचना (सेटअप) के मुताबिक तीन पद प्रतिनियुक्ति ले भरे जाना हे। एमां सहायक परियोजना समन्वयक, सहायक लेखाधिकारी अउ लेखापाल सामिल हे। कलेक्टर अउ डीएमएफ के अध्यक्ष मो. कैसर अब्दुल हक ह जिला के सबो विभाग प्रमुख मन ल पत्र जारी करके अपन-अपन विभाग म पदस्थ अधिकारी अउ कर्मचारी मन ले सहमति के बाद मापदण्ड के मुताबिक डीएमएफ म प्रतिनियुक्ति के इच्छुक मन ल एक हफ्ता के भीतर सहमति पत्र अउ नियोक्ता के अनापत्ति के संग आवेदन पत्र जिला खनिज संस्थान न्यास कार्यालय म भेजे के निर्देश दिए हें। एखर संबंध म पूरा जानकारी कलेक्टोरेट स्थित डीएमएफ कार्यालय कक्ष क्र. 03 म कार्यालयीन दिवस म पाए जा सकत हे। एखर अलावा जिला सूचना अउ विज्ञान अधिकारी (एनआईसी) कोरबा कोति ले जिला के वेबसाईट डब्ल्यूडब्ल्यूडब्ल्यू डाट कोरबा डाट जीओव्ही डाट ए म अपलोड कर दे गए हे। जेखर घलोक अवलोकन करे जा सकत हे।