स्वरोजगार स्थापित करे बर मिलही करजा : आवेदन आमंत्रित

प्रधानमंत्री रोजगार सृजन कार्यक्रम योजना अऊ मुख्यमंत्री युवा स्व-रोजगार योजना

जशपुरनगर, 01 सितमबर 2017। प्रधानमंत्री रोजगार सृजन कार्यक्रम योजना अउ मुख्यमंत्री युवा स्व-रोजगार योजना अंतर्गत जिला के युवा मन ल स्वरोजगार स्थापित करे बर आवेदन आमंत्रित करे गए हे। जिला व्यापार अउ उद्योग केन्द्र के महाप्रबंधक ह बताइस कि प्रधानमंत्री रोजगार सृजन कार्यक्रम योजना साल 2017-18 बर 15 सितमबर तक ऑनलाईन आवेदन आमंत्रित करे गए हे। उमन बताइस कि योजना के अंतर्गत सबले अधिक स्वीकार लागत निर्माण व उद्योग इकाइ मन बर 25 लाख, सेवा इकाइ मन बर 10 लाख रूपिया हे। आवेदन बर आधार कार्ड, शैक्षणिक योग्यता संबंधी प्रमाण पत्र, प्रोजेक्ट रिपोट, जाति, निवास, ग्राम पंचायत या नगरीय निकाय के अनापत्ति, जनसंख्या प्रमाण-पत्र अऊ पासपोर्ट साईज फोटो प्रस्तुत करना हे।
महाप्रबंधक ह बताइस कि मुख्यमंत्री युवा स्व-रोजगार योजना अन्तर्गत 15 सितमबर तक आवेदन प्रस्तुत करे जा सकत हे। योजना अंतर्गत सबले अधिक स्वीकार लागत निर्माण व उद्योग इकाइ मन बर 25 लाख, सेवा इकाइ मन बर 10 लाख अउ व्यवसाय बर 2 लाख रूपिया हे। अइसन युवा जेकर उमर 18 ले 35 साल होही अऊ जेकर वार्षिक आय 3 लाख रूपिया तक होही, आवेदन कर सकत हें। अजा, अजजा अऊ आन पिछड़ा वर्ग के आवेदक मन के आयु 18 ले 40 साल होनी चाही। एखर बर आवेदन के संग आधार कार्ड, शैक्षणिक योग्यता सबसे कम आठवीं पास, प्रोजेक्ट रिपोट, जाति, निवास, स्थल के किरायानामा या मालिकाना के कागद, पासपोर्ट साईज फोटो, सक्षम अधिकारी कोति ले जारी करे गए आय प्रमाण पत्र दू-दू प्रति मन म जमा करना होही। एखर संबंध म विस्तृत जानकारी बर जिला कार्यालय म स्थित जिला व्यापार अउ उद्योग केन्द्र ले सम्पर्क करे जा सकत हे।