शिक्षक के रूप म नजर आइस पुलिस अधीक्षक

“डॉ. ए.पी.जे. अब्दुल कलाम शिक्षा गुणवत्ता अभियान“
लइका मन ह सुनाइन पहाड़ा अऊ कविता, बनाइन गणित के सवाल

जशपुरनगर, 01 सितमबर 2017। पुलिस अधीक्षक श्री प्रशांत सिंह ठाकुर गुरूवार के दिन शिक्षक के भूमिका म नजर आइस। अवसर रहिस डॉ. ए.पी.जे. अब्दुल कलाम शिक्षा गुणवत्ता अभियान के। उमन कुनकुरी जनपद के प्राथमिक शाला बतनीडांड अऊ खंडसा के निरीक्षण करिन। दुनों शाला मन के निरीक्षण के बेरा शासन से निरधारित रूब्रिक्स प्रपत्र के आधार म आंकलन करे गीस, कक्षा म जाके लइका मन ले सवाल पूछिन। ए अवसर म उमन शाला विकास समिति के सदस्य मन अऊ पालक मन ले चर्चा करके लइका मन के बेहतर शिक्षा बर समझाईश दीन। उमन लइका मन ल मिलइया मध्यान्ह भोजन ल चिखके ओखर गुणवत्ता देखिन।
शासन कोति ले आबंटित ए दुनों शाला मन के निरीक्षण बर पुलिस अधीक्षक ह कक्षा मन म जाके लइका मन ले बातचीत करिन, ओ मन ल पढ़ाई बर प्रेरित करिन। संगेच लइका मन ले सामान्य ज्ञान के पस्‍न अउ पहाड़ा पूछिन। लइका मन ह ओ मन ल पहाड़ा सुनाइन अऊ कविता घलोक सुनाईन। शिक्षण अधिगम सामान के माध्यम ले घलोक उमन लइका मन ले सवाल पूछिन अऊ शिक्षक मन ल अधिगम सामान के नियमित उपयोग करे के निर्देश दीन।