पंचायत मंत्री श्री अजय चन्द्राकर ले धोबी समाज के प्रतिनिधिमंडल ह करिस सौजन्य मुलाकात

रायपुर, 01 सितमबर 2017। पंचायत अउ ग्रामीण विकास मंत्री श्री अजय चद्राकर ले इहां ऊंखर निवास म धोबी समाज के प्रतिनिधिमंडल ह सौजन्य मुलाकात करिस। धोबी समाज के प्रदेश अध्यक्ष श्री सूरज निर्मलकर के नेत्तृव म आए समाज के पदाधिकारि मन ह पंचायत मंत्री ले समाज ल अनुसूचित जाति वर्ग म सामिल करे बर उचित पहल करे के आग्रह करे गीस अऊ समाज बर सामुदायिक भवन के मांग रखिन। श्री चन्द्राकर ह धोबी समाज के प्रतिनिधि मन ले कहिन कि राज्य सरकार अऊ केन्द्र सरकार सबो जाति, समाज अऊ धर्म के प्रति समभाव रखथे। हर वर्ग ल ओखर अधिकार मिले एखर बर दृढ संकल्पित हे। श्री चन्द्राकर ह धोबी समाज के सदस्य मन ल राज्य सरकार कोति ले हर संभव सहयोग के भरोसा देवइस। प्रतिनिधिमंडल म सर्वश्री चन्द्रहास निर्मलकर, डोमेन्द्र निर्मलकर, नरेन्द्र नाथ निर्मलकर, प्रदीप निर्मलकर, धनंजय निर्मलकर, लोकेश निर्मलकर, बोधीराम निर्मलकर, दुर्गाप्रसाद निर्मलकर, महेन्द्र निर्मलकर, परमानंद निर्मलकर, दीपक निर्मलकर अऊ चोवा राज रजक संग समाज के आन पदाधिकारी सामिल रहिन।