पंचायत मंत्री श्री चन्द्राकर ह पंचायत मन बर मार्गदर्शिका पुस्तिका ‘प्राक्कलन अउ मानचित्र’ के विमोचन करिस

रायपुर, 01 सितमबर 2017। पंचायत अउ ग्रामीण विकास मंत्री श्री अजय चद्राकर ह आज इहां आवासीय कार्यालय म ग्राम पंचायत मन म निर्माण कार्य उपर आधारित मार्गदर्शिका पुस्तिका ‘प्राक्कलन अउ मानचित्र’ के विमोचन करिस। ए पुस्तिका के प्रकाशन ग्रामीण यांत्रिकी सेवा कोति ले करे गए हे। पुस्तिका म शासन के निर्माण काम मन ले संबंधित जारी करे गए परिपत्र अउ निर्देश मन के संकलन समाहित हे। ये पुस्तिका पंचायत मन के निर्माण काम मन के क्रियान्वयन म मार्गदर्शन के काम करही। ए मौका म पंचायत अउ ग्रामीण विकास विभाग के मुख्य सचिव श्री एम.के. राउत, छत्तीसगढ़ ग्रामीण सड़क विकास अभिकरण के मुख्य कार्यपालन अधिकारी श्री राकेश चतुर्वेदी, ग्रामीण यांत्रिकी सेवा के मुख्य अभियंता श्री एस.के. गुप्ता संग विभाग के आन वरिष्ठ अधिकारी उपस्थित रहिन।