पंडित दीनदयाल उपाध्याय जयंती समारोह के तैयारी शुरू

प्रदेश के बीस हजार गांव मन म 25 सितमबर ले होही विशेष ग्राम सभा मन के आयोजन
मुख्य सचिव श्री विवेक ढांड के अध्यक्षता म सशक्त समिति के बैठक
राज्य म 15 सितमबर ले 25 सितमबर तक होही कई कार्यक्रम

रायपुर, 01 सितमबर 2017। एकात्म मानववाद के प्रवर्तक पंडित दीनदयाल उपाध्याय के जयंती म ए महीना के 25 तारीक ले छत्तीसगढ़ के दस हजार 971 ग्राम पंचायत मन के करीबन 20 हजार गांव मन म विशेष ग्राम सभा मन के आयोजन करे जाही। ए ग्राम सभा मन म जनता ल केन्द्र अऊ राज्य सरकार के कई ठन जनकल्याणकारी योजना मन के जानकारी दे जाही। पंडित दीनदयाल उपाध्याय जन्म शताब्दी साल के अंतर्गत राज्य म एखर महिना के 15 तारीक ले 25 तारीक तक कई ठन कार्यक्रम आयोजित करे जाही। मुख्य सचिव श्री विवेक ढांड ह आज इहां मंत्रालय (महानदी भवन) म आयोजित सशक्त समिति के बैठक म ए कार्यक्रम मन के तैयारी मन के विभागवार समीक्षा करिन।
आप मन जानतेच होहू कि राज्य सरकार ह पंडित दीनदयाल उपाध्याय जन्म शताब्दी समारोह साल 2017-18 के आयोजन बर मुख्य सचिव के अध्यक्षता म सशक्त समिति के गठन करे हे। श्री ढांड के अध्यक्षता म आज सशक्त समिति के बैठक म ये घलोक तय करे गीस कि प्रदेश भर म ग्राम पंचायत मन अऊ जनपद पंचायत मन के स्तर म 15 सितमबर ले 14 अकटूबर के बीच एक महिना तक अलग-अलग तारीख मन म ग्रामीण खेल प्रतियोगिता अऊ स्वास्थ्य शिविर मन के घलोक आयोजन करे जाए। पंडित दीनदयाल उपाध्याय के जयंती म 25 सितमबर ले ग्राम पंचायत मन के स्तर म स्कूली लइका मन अऊ स्थानीय गांव वाले मन के प्रभातफेरी आयोजित करे के घलोक निर्णय ले गीस। राजधानी रायपुर म किसान मेला के आयोजन के प्रस्ताव म घलोक बैठक म चर्चा करे गीस। स्कूल शिक्षा विभाग ल पंडित दीनदयाल उपाध्याय के जीवनगाथा अऊ ऊंखर विचार मन उपर आधारित छोट-छोट पुस्तिका तइयार करके स्कूल मन म ओखर वितरण करवाए, कला-पथक दल मन के माध्यम ले उंखर जीवनी के प्रस्तुतिकरण आदि विषय मन म घलोक अधिकारी मन ल जरूरी निर्देश देहे गीस।
बैठक म पंचायत अउ ग्रामीण विकास विभाग के अपर मुख्य सचिव श्री एम.के. राउत, कृषि विभाग के अपर मुख्य सचिव श्री अजय सिंह, स्कूल शिक्षा विभाग के अपर मुख्य सचिव श्री सुनील कुजूर, समाज कल्याण विभाग के सचिव श्री सोनमणि बोरा, स्वास्थ्य विभाग के सचिव श्री अनिल साहू, सामान्य प्रशासन विभाग के सचिव श्री डी.डी. सिंह, नगरीय प्रशासन विभाग के विशेष सचिव डॉ. रोहित यादव, पंचायत विभाग के संचालक श्री एस.के. जायसवाल, स्कूल शिक्षा विभाग के संचालक श्री एस. प्रकाश अऊ आन संबंधित वरिष्ठ अधिकारी उपस्थित रहिन।
मुख्य सचिव श्री ढांड ह बैठक म कहिन कि जनता ल अऊ विशेष रूप ले गांव वाले मन ल गरीबी उन्मूलन योजना मन के जानकारी देना, समाज के आखरी लकीर के मनखे मन के उत्थान बर चलत योजना मन के प्रति जागरूकता लाना, समाज म रचनात्मक भूमिका निभाने बर ग्रामीण युवा मन म क्षमता विकास अऊ अंत्योदय कल्याण योजना मन के बारे म स्कूली लइका मन ल जानकारी देना पंडित दीनदयाल उपाध्याय जन्मशती समारोह के कार्यक्रमों के मुख्य उद्देश्य हे।