कोरिया जिला म घलोक होही राष्ट्रीय खेल प्रतियोगिता मन के आयोजन: श्री राजवाडे़

खेल ले मिलथे मान, सम्मान अऊ नवा पहिचान
17वां राज्य स्तरीय शालेय क्रिकेट प्रतियोगिता के शुभारंभ

रायपुर 02 सितंबर 2017। प्रदेश के श्रम, खेल अउर युवा कल्याण मंत्री श्री भईयालाल राजवाडे ह कहिन कि प्रदेश के संगे संग कोरिया जिला म घलोक खेल के असीम संभावना हवय। कोरिया जिला के नगर पालिका परिषद शिवपुर चरचा म खिलाड़ी मन बर बेहतर खेल मैदान के संग सबो प्रकार के सुविधा हवय। श्री राजवाड़े ह कहिन कि अभी इहां राज्य स्तरीय शालेय क्रिकेट प्रतियोगिता आयोजित करे जात हे। अवइया समय म कोरिया जिला के शिवपुर चरचा के महाजन खेल मैदान म राष्ट्रीय खेल प्रतियोगिता के आयोजन करे जाही। एखर बर राष्ट्रीय स्तर म चर्चा करे जात हे। श्रम मंत्री श्री राजवाडे आज कोरिया जिला के नगर पालिका परिषद शिवपुर चरचा के महाजन स्टेडियम म 17वां राज्य स्तरीय शालेय क्रिकेट प्रतियोगिता के शुभारंभ सत्र ल संबोधित करत रहिन।



ए अवसर म जनपद पंचायत सोनहत के उपाध्यक्ष श्रीमती रूकमणि, बैकुण्ठपुर नगर पालिका परिषद बैकुण्ठपुर के उपाध्यक्ष श्री सुभाष साहू, बैकुण्ठपुर नगर पालिका परिषद बैकुण्ठपुर के पहिली अध्यक्ष श्री शैलेष शिवहरे, नगर पालिका परिषद षिवपुर चरचा के पहिली उपाध्यक्ष श्री राजेश सिंह, श्री अंचल राजवाडे़, जिला प्रशासन के तरफ ले बैकुण्ठपुर अनुभाग के अनुविभागीय अधिकारी राजस्व श्री अरूण कुमार मरकाम संग सबो 12 जोन के खिलाडी अउर ऊंखर खेल शिक्षक उपस्थित रहिन।