उच्‍च शिक्षा मंत्री श्री पाण्डेय ह करिस कॉलेज भवन के लोकार्पण

रायपुर, 02 सितमबर 2017। प्रदेश के उच्‍च शिक्षा, श्री प्रेमप्रकाश पाण्डेय ह आज बालोद जिला गुण्डरदेही विकासखण्ड के ग्राम बेलोदी म एक करोड़ 95 लाख रूपिया के लागत ले बने शासकीय महाविद्यालय भवन के लोकार्पण करिस। ए अवसर म उमन उपस्थित जनसमुदाय ल बधाई अउ शुभकामना देवत कहिन कि ग्राम बेलोदी म महाविद्यालय भवन के निर्माण ले अंचल के जुन्ना मांग आज पूरा हो गीस। अब इहां महाविद्यालयीन छात्र-छात्रा मन ल पढ़ई बर सुविधा होही। उच्‍च शिक्षा मंत्री श्री पाण्डेय ह पूर्व विधायक श्री विरेन्द्र साहू के मांग म ग्राम बेलोदी के महाविद्यालय म अवइया सत्र ले बीएससी गणित के अध्यापन शुरू करे के घोषणा करिन।

श्री पाण्डेय ह कहिन कि मुख्यमंत्री डॉ. रमन सिंह ह खरीफ 2016 म समर्थन मूल्य म खरीदे गए धान म किसान मन ल प्रति क्विंटल तीन सौ रूपिया बोनस दीए के घोषणा करे हें। ये किसान मन के हित म हे। बोनस के राशि के भुगतान दीपावली ले पहिली करे जाही। मंत्री श्री पाण्डेय ह कहिन कि मुख्यमंत्री डॉ. सिंह के नेतृत्व म प्रदेश के गांव, गरीब, किसान, मजदूर, संग सबो वर्ग के विकास बर योजना अउ कार्यक्रम संचालित करे जात हे। जेखर लाभ ओ मन ल मिलत हे। कार्यक्रम ल पूर्व विधायक श्री विरेन्द्र साहू ह घलोक सम्बोधित करिन। ए अवसर म पूर्व विधायक श्री प्रीतम साहू, श्रीमती कुमारी साहू, जनपद पंचायत गुण्डरदेही के अध्यक्ष श्रीमती भानुमति साहू, नगर पालिका परिषद बालोद के पहिली अध्यक्ष श्री यज्ञदत्त शर्मा, जिला पंचायत दुर्ग के पूर्व उपाध्यक्ष श्रीमती संध्या भारद्वाज संग श्री लेखराम साहू, श्री प्रमोद जैन, श्री मोहन जैन अऊ महाविद्यालयीन छात्र-छात्रा मन अउ बड़ संख्या म ग्रामीण उपस्थित रहिन।